Perante este Xurado Provincial de Montes Veciñais en Man Común, tramítase o expediente nº 383, de cualificación do monte que ten as características que se indican a continuación:

Monte: Couso, dos Castelos e Revolta, e Anquieiro.

Comunidade: parroquia de Aguiño.

Parroquia: Aguiño.

Concello: Ribeira.

Superficie: 115,76 ha.

Lindeiros:

Parcela I. Monte Couso. Superficie 71,00 ha. É o monte Couso, nº 369 do CUP.

Norte: predios de particulares. Leste: predios de particulares, en parte mediante o Regueiro das Cargas. Sur: océano Atlántico e predios de particulares. Oeste: océano Atlántico.

Parcela II. Dos Castelos e Revolta. Superficie 5,22 ha.

Norte: predios de Juan García. Leste: predios de Antonio Patiño, Gabriel Cadaval e outros. Estrada de Carreira a Aguiño, pola Graña. Sur: camiño público. Oeste: predios de Juana Pérez, Flora Dios e outros. Estrada de Carreira a Aguiño, pola Graña, predios de Agustín Paz, Tomás Millares e outros.

Parcela III. Monte Anquieiro. Superficie 39,54 ha.

Norte: océano Atlántico, canle da Lagoa que o separa da praia do Vilar, lagoa de Vixán. Leste: lagoa de Vixán, predios de José Lampón, Juan Martínez e outros veciños de Aguiño. Sur: Cipriano Pérez, camiño veciñal á Graña, Ignacio Montes, S.A., Prodemar, S.A. Oeste: océano Atlántico.

En virtude do acordado polo xurado, e en cumprimento da orde do instructor, do 22 de xullo de 2003, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio deste edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesadas, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación deste edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 22 de xullo de 2003.

Ana María Díaz López

Secretaria do Xurado Provincial de Clasificación de Montes Veciñais en Man Común da Coruña

Visto e prace

Juan Ramón Beneyto Bellas

Instructor