Perante este Xurado Provincial de Clasificación de Montes Veciñais en Man Común, tramítase o expediente nº 384, de cualificación do monte que ten as características que se indican a continuación:

Expediente: 384.

Monte: de Barazón Pequeno.

Comunidade: lugar de Barazón Pequeno.

Parroquia: Niñodaguia.

Concello: Santiso.

Superficie: 5,66 ha.

Lindeiros:

Parcela I. A Ermita. Superficie 4, 44 ha.

Norte: río Furelos. Leste: monte de José García, Ramón Vázquez, e outros veciños de Barazón Pequeno. Sur: monte de José López e José Agra. Oeste: río Furelos.

Parcela II. A Reguiña. Superficie 1,22 ha.

Norte: María Penas. Leste: María Penas e outros. Sur: José Manuel García. Oeste: camiño veciñal que conduce entre outros á central eléctrica.

O monte correspóndese coas parcelas 574, 575 e 576 (parcela I), e 320-1 (parcela II), do polígono 1 de bases provisionais da zona de concentración parcelaria de Niñodaguia-Serantes (Santiso). Catastrado baixo as parcelas 1 e 125 (parcela I), e 66

(parcela II), do polígono 36 do plano catastral da zona.

En virtude do acordado polo xurado, e en cumprimento da orde do instructor, do 22 de xullo de 2003, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio deste edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesadas, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación deste edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 22 de xullo de 2003.

Ana María Díaz López

Secretaria do Xurado Provincial de Clasificación de Montes Veciñais en Man Comun da Coruña

Visto e prace

Alfonso Vázquez-Castro Garma

Instructor