Examinado o expediente instruído por pedimento de Eólicas del Sil, S.A. con enderezo para efectos de notificacións en Centro Empresarial de Negocio-Polígono Nuevo Milladoiro; Rúa Oliveira, 96 B 15895 Milladoiro-Ames; A Coruña, sobre autorización, aprobación de instalacións e recoñecemento da condición de instalación acollida ó réxime especial do parque eólico denominado Ampliación Meda; resultan os seguintes

Antecedentes de feito

Primeiro.-O 30 de xuño de 2000, a Dirección Xeral de Industria resolveu autoriza-la instalación dos equipos electromecánicos e aproba-lo correspondente proxecto de execución, coas seguintes características básicas:

Situación e coordenadas poligonais:

Nome	Municipio	Vértices
	X	Y

Meda	Montederramo	613.000	4.689.000
	Xunqueira de	614.000	4.690.000
	Espadanedo	615.500	4.688.000
	Parada de Sil	615.500	4.687.000
		615.000	4.687.000
		615.000	4.686.000
		614.000	4.686.000
		614.000	4.689.000

Características técnicas do parque.

Nº de aeroxeradores: 18.

Potencia unitaria por aeroxerador: 660 kW.

Xeradores: Gamesa G-47.

Potencia total instalada: 11,88 MW.

Producción anual estimada: 32.266 MWh/ano.

Investimento previsto: 8.322.177,98 euros.

Características técnicas da infraestructura eléctrica de transformación e interconexión.

-Interconexión dos aeroxeradores con dous circuítos eléctricos subterráneos a 20 kV.

-Centro de transformación para instalar un en cada aeroxerador de 800 kVA. de potencia e r/t 0,690/20 kV, cos elementos de protección e auxiliares necesarios.

A subestación transformadora atópase nas instalacións do parque eólico do Sil.

Segundo.-O 8 de novembro de 2000, a Consellería de Industria e Comercio, resolveu declara-la utilidade pública en concreto das instalacións do parque eólico denominado Meda.

Terceiro.-O 15 de maio de 2001, a Dirección Xeral de Industria, resolveu aproba-la modificación do proxecto de execución da dita instalación titulado anexo ó proxecto parque eólico de Meda, o que implicará a desafección das parcelas nas que se sitúan os aeroxeradores 1, 2 , 6 e 7.

Cuarto.-O 26 de outubro de 2001, Francisco Caamaño Martínez, en nome e representación de Eólicas del Sil, S.A., solicitou a autorización administrativa, aprobación de proxecto de execución, recoñecemento da condición de instalación acollida ó réxime especial de producción de enerxía eléctrica, declaración de utilidade pública en concreto e aprobación do proxecto sectorial do parque eólico denominado Ampliación Meda, de 13,6 MW, achegando a documentación establecida para o efecto polo Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica e o Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia, de aplicación a este expediente en virtude do disposto na disposición transitoria terceira do Decreto 302/2001, do 25 de outubro, polo que se regula o aproveitamento da

enerxía eólica na Comunidade Autónoma de Galicia e o Real decreto 2818/1998, do 23 de decembro, sobre producción de enerxía eléctrica por instalacións abastecidas por recursos ou fontes de enerxía renovables, residuos e coxeración.

Quinto.-O proxecto someteuse a información pública para os efectos previstos no Decreto 442/1990, do 13 de setembro, de avaliación de impacto ambiental para Galicia, Decreto 327/1991, do 4 de outubro, de avaliación de efectos ambientais para Galicia, artigos

53 e 54 da Lei 54/1997, do 27 de novembro, do sector eléctrico; Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e o Decreto 205/1995, polo que se regula o aproveitamento da enerxía eólica en Galicia, mediante resolución da Delegación Provincial da Consellería de Industria e Comercio de Ourense, do 13 de novembro de 2001, publicada no xornal La Región do 25-11-2001, no BOP de Ourense do 27-11-2001, o DOG do 28-11-2001 e no taboleiro de anuncios do concello de Parada de Sil.

Durante o período de información pública presentáronse as seguintes alegacións:

1. Francisco López González, en representación da Asociación Forestal Asofor, solicita que se modifique a posición dos aeroxeradores que se encontren a menos de 1.000 m das vivendas, que se complete o proxecto con documentación relativa a: identificación das vivendas afectadas dentro do perímetro do parque, modelización da zona afectada/Ribeira Sacra. Así mesmo indica que o núcleo de Santigueiro se atopa a escasos 500 metros da instalación proxectada. Que falta o informe da Confederación Hidrográfica do Norte, así como o estudio de arqueoloxía.

2. José Benito Fernández Coello, solicita ser incluído na relación de bens e dereitos afectados, por ser titular dunha parcela na paraxe de Chao de Medeiro, que estaría dentro da afección do parque.

Terceiro.-O 23 de maio de 2002, a delegación provincial da Consellería de Industria e Comercio de Ourense emitiu informe favorable sobre o citado proxecto, coas seguintes características básicas:

Situación e coordenadas poligonais:

Nome	Municipio	Vértices
	X	Y

Ampliación Meda	Parada de Sil	614.000	4.690.000
		611.500	4.692.500
		615.500	4.692.500
		615.500	4.688.000

Características técnicas do parque.

Nº de aeroxeradores: 16.

Potencia unitaria por aeroxerador: 850 kW.

Xeradores: Gamesa G-52.

Potencia total instalada: 13,6 MW.

Producción anual estimada: 39.584 MWh/ano.

Investimento previsto: 9.038.860,34 euros.

Características técnicas da infraestructura eléctrica de transformación e interconexión.

-Conxunto de 16 aeroxeradores de 850 kW/u, que suman unha potencia bruta total de 13,6 MW.

-Interconexión dos aeroxeradores con dous circuítos eléctricos a 20 kV, independentes entre si, de 7,65 MW (aeroxeradores 1 ó 9); 5,95 MW (aeroxeradores 10 ó 16).

-C.T. que se instalarán en cada aeroxerador de 900 kVA de potencia e r/t 0,690/20 kV, cos elementos de protección e auxiliares necesarios.

-Liña subterránea, a 20 kV, para evacua-la enerxía xerada no parque ata a subestación transformadora de 20/220 kV, no parque eólico de Sil.

Cuarto.-O 12 de xuño de 2003, a Dirección Xeral de Calidade e Avaliación Ambiental, da Consellería de Medio Ambiente, resolveu aproba-la declaración de impacto ambiental do citado parque eólico, publicándose no DOG do 5-9-2003.

Fundamentos de dereito

Primeiro.-A Dirección Xeral de Industria, Enerxía e Minas é competente para resolver este expediente con fundamento no Estatuto de autonomía de Galicia; Real decreto 2563/1982, do 24 de xullo; o Decreto 132/1982, do 4 de novembro; o Decreto 223/2003, do 11 de abril, polo que se establece a estructura orgánica da Consellería de Innovación, Industria e Comercio; en relación co Real decreto 1955/2000, do 1 de decembro, Decreto 205/1995, do 6 de xullo, xa citados.

Segundo.-Á vista das alegacións presentadas, da contestación dada a elas por parte da empresa promotora e do resto de documentación que consta no expediente, cabe manifesta-lo seguinte:

1. En relación coa alegación formulada por José Benito Fernández Coello, relativa á titularidade dos terreos afectados pola instalación do proxecto, cabe dicir que a empresa beneficiaria tomará razón desta, non obstante será no levantamento de actas o momento no que pode demostra-la titularidade, achegando a documentación acreditativa necesaria, cando se proceda á declaración de utilidade pública da dita instalación.

2. As alegacións ambientais, formuladas por Francisco López González, foron remitidas ó órgano ambiental e contempladas na declaración de impacto ambiental do citado parque, en relación coa distancia das vivendas ó parque, estas atópanse a unha distancia superior a 1.000 metros á máquina máis próxima, sendo esta maior que a esixida na Modificación do Plan Eólico de Galicia que foi aprobado por acordo do Consello da Xunta de Galicia, do 5 de decembro de 2002 (publicado no DOG do 3-1-2003 e corrección de erros do 18-8-2003).

Terceiro.-No expediente instruído para o efecto cumpríronse os trámites regulamentarios. Así mesmo, a instalación e o seu proxecto de execución reúnen tódolos requisitos técnicos esixibles.

Esta dirección xeral, de acordo co que antecede e no exercicio das competencias que ten atribuídas,

RESOLVE:

1. Autorizar a Eólicas del Sil, S.A. a instalación dos equipos electromecánicos do parque eólico deno

minado Ampliación Meda de 13,6 MW, que se vai situar no concello de Parada de Sil, na provincia de Ourense.

2. Aproba-lo proxecto de execución da dita instalación.

3. Recoñecer a esa instalación, a condición de instalación acollida ó réxime especial do Real decreto 2818/1998, e incluíla no grupo b.2) do artigo 2 do dito real decreto.

Todo iso de acordo coas condicións seguintes:

Primeira.-Eólicas del Sil, S.A. para os efectos de garanti-lo cumprimento das súas obrigas, deberá constituír, no prazo dun mes a contar desde ou outorgamento desta autorización, unha fianza de 180.777,21 euros, importe do 2% do orzamento que figura no expediente para garanti-lo cumprimento das súas obrigas, conforme o disposto no artigo 19 do citado Decreto 302/2001, do 25 de outubro.

A dita fianza constituirase na Caixa Xeral de Depósitos da Consellería de Economía e Facenda da Xunta de Galicia, ante a Dirección Xeral de Industria, Enerxía e Minas así como a que no seu día propoña o órgano ambiental, en calquera das formas sinaladas no artigo 1.1º, punto 39 do Decreto 1775/1967, do 22 de xullo, e será devolta unha vez se formalice a acta de posta en marcha das instalacións.

Segunda.-As instalacións que se autorizan terán que realizarse de acordo coas especificacións e planos que figuran no proxecto presentado pola empresa cun orzamento de 9.038.860,34 euros.

Terceira.-Para introducir modificacións nas instalacións que afecten a datos básicos do proxecto, será necesaria a previa autorización desta Dirección Xeral de Industria, Enerxía e Minas. Así mesmo, a Delegación Provincial da Consellería Innovación, Industria e Comercio de Ourense poderá autoriza-las modificacións de detalle do proxecto que resulten procedentes, debendo comunicar a esta dirección xeral tódalas resolucións que dicte en aplicación da dita facultade.

Cuarta.-O prazo para a posta en marcha das instalacións que se autorizan será de dezaoito meses, contados a partir da data de ocupación dos terreos.

Unha vez construídas as instalacións autorizadas, a Delegación Provincial da Consellería de Innovación, Industria e Comercio de Ourense inspeccionará a totalidade das obras e montaxes efectuadas e verificará o cumprimento dos compromisos contraídos por Iberdrola Diversificación, S.A. no seu plan eólico.

Quinta.-Como requisito necesario para a aplicación á citada instalación do réxime especial, o promotor deberá inscribir esta no Rexistro de Instalacións de Producción de Enerxía Eléctrica en Réxime Especial da Comunidade Autónoma de Galicia, creado pola orde da Consellería de Industria e Comercio do 5 de xuño de 1995 (DOG do 14 de xullo), para o que acreditará o cumprimento das condicións previstas no artigo 12 do Real decreto

2818/1998, presentando a documentación que figure nas instruccións que dicte esta dirección xeral en desenvolvemento da dita orde. O parque conectarase co sistema centralizado que para o réxime especial estableza, no seu caso, a Dirección Xeral de Industria, Enerxía e Minas.

Sexta.-Con carácter previo á posta en marcha das instalacións, o órgano competente verificará o cumprimento dos condicionados impostos nesta resolución e na declaración de impacto ambiental do 12 de xuño de 2003, así como aquelas que no seu día se emitan conforme o disposto no artigo 7.1º do Decreto 442/1990, do 13 de setembro, de avaliación do impacto ambiental para Galicia (DOG nº 188, do 25 setembro).

Sétima.-A Administración reserva para si o dereito de deixar sen efecto desta autorización por calquera das causas establecidas no artigo 34 do Decreto 1775/1967, do 22 de xullo, sobre réxime de instalacións, ampliación e traslado de industrias en xeral (BOE nº 176, do 25 de xullo), por incumprimento das condicións impostas ou por calquera outra causa excepcional que o xustifique.

Oitava.-Esta autorización outórgase sen prexuízo de terceiros e independentemente das autorizacións, licencias ou permisos de competencia municipal, provincial ou outros necesarios para a realización das obras das instalacións autorizadas.

Contra esta resolución, que non é definitiva en vía administrativa, cabe interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución, sen prexuízo de que os interesados poidan interpoñer calquera outro recurso que consideren pertinente.

Santiago de Compostela, 8 de setembro de 2003.

Ramón Ordás Badía

Director xeral de Industria, Enerxía e Minas