A Orde do 25 de marzo de 2003, pola que se regulan as bases que rexen as axudas para actividades dirixidas á xuventude programadas por concellos (Diario Oficial de Galicia nº 65, do 2 de abril), establece no seu artigo 2 o importe da contía máxima destas por importe de douscentos mil euros (200.000 A) con cargo á partida orzamentaria 14.05.355B.460.1.

Existindo crédito suficiente e axeitado na devandita aplicación orzamentaria, e debido ás numerosas solicitudes recibidas por parte dos concellos, cómpre amplia-lo importe da referida contía máxima coa finalidade de estender ó maior número de beneficiarios posible as devanditas axudas.

Por todo o exposto e no uso das facultades que teño atribuídas pola Lei 1/1983, do 22 de febreiro, reguladora da Xunta e do seu presidente, modificada pola Lei 11/1988 e o Decreto 212/2003, do 3 de abril

DISPOÑO:

Artigo único.

Primeiro.-Amplia-lo importe da contía máxima da Orde do 25 de marzo de 2003, pola que se regulan as bases que rexen as axudas para actividades dirixidas á xuventude programadas por concellos na contía de seis mil cen euros (6.100 A) con cargo á partida orzamentaria 14.05.355B.460.1 dos orzamentos xerais da Comunidade Autónoma de Galicia para o ano 2003.

Segundo.-A presente modificación non afecta ó prazo establecido na referida orde para a presentación de solicitudes.

Santiago de Compostela, 24 de setembro de 2003.

Pilar Rojo Noguera

Conselleira de Familia, Xuventude, Deporte

e Voluntariado