Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño que nos autos seguidos perante este xulgado do social, tramitados baixo o número 497/2003 por instancia de José Miguel Rúa Blanco

contra José Luis Pérez Muñiz sobre despedimento, dictouse a seguinte:

Sentencia. Na cidade da Coruña, o 21 de agosto de 2003. Jorge Hay Alba, maxistrado-xuíz do social número dous desta cidade, viu os presentes autos de xuízo número 497/2003, seguidos por instancia de José Miguel Rúa Blanco, maior de idade, asistido polo letrado Santiago Guémez Abad, contra José Luis Pérez Muñiz, que non compareceu, sendo o obxecto da reclamación, despedimento.

Seguen feitos e fundamentos de dereito.

Decido que debo desestimar e desestimo a demanda interposta por José Miguel Rúa Blanco coa intervención do Fondo de Garantía Salarial, contra a empresa José Luis Pérez Muñiz e absolvo as entidades demandadas dos pedimentos da demanda.

Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, que se anunciará ante este xulgado no prazo de cinco días, contado a partir da notificación desta sentencia, do que coñecerá no caso a Sala do Social do Tribunal Superior de Xustiza de Galicia, tal como establece o artigo 188 do texto refundido da lei, aprobado polo Real decreto lexislativo 2/1995, do 7 de abril.

Así, por esta miña sentencia, definitivamente xulgando en primeira instancia, pronúncioo, mándoo e asínoo.

E para que sirva de notificación á empresa, que ten o seu enderezo descoñecido, mediante a súa publicación no Diario Oficial de Galicia, expido e asino esta cédula de notificación na Coruña, 21 de agosto de 2003.

Jaime Balado Yáñez

Secretario xudicial