De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanselles ás persoas que no anexo se mencionan as resolucións dictadas nos expedientes en datas 14 e 2 de xullo de 2003, respectivamente, por infracción do Regulamento de epizootias, Decreto do 4 de febreiro de 1955, ó non ser posible a súa notificación a través do servicio de correos.

Para os efectos previstos no artigo 21 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, os denunciados, no prazo dun mes contado a partir do día seguinte ó da publicación desta notificación, poderán interpoñer recurso de alzada ante o conselleiro de Política Agroalimentaria e Desenvolvemento Rural, de conformidade co establecido no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.

Pontevedra, 4 de agosto de 2003.

José Manuel Gabeiras Vérez

Delegado provincial de Pontevedra

ANEXO

Expediente: SAN-PO-57/2003-BA.

Denunciado: Antonio Romero Rey.

Último enderezo coñecido: Camiño da Regueira, s/n, Fontecarmoa, Vilagarcía de Arousa (Pontevedra).

Feito denunciado: posuír unha res bovina en mal estado, na corte da súa propiedade.

Preceptos infrinxidos: incumprimento do artigo 3 do Real decreto 348/2000, do 10 de marzo, e artigo 12 do Real decreto 54/1995, do 20 de xaneiro.

Precepto sancionador: artigo 224 do regulamento da Lei de epizootias.

Sanción: 600 euros.

Expediente: SAN-PO-7/2003-MP.

Denunciado: José Manuel Villamor Guitar.

Último enderezo coñecido: Curbián, 13, Palas de Rei (Lugo).

Feito denunciado: compravenda ambulante de gando porcino. Non correspondencia da documentación sanitaria coa orixe/destino e número de animais. Carece-lo vehículo do preceptivo rexistro na Xefatura de Gandería. Carecer do libro-rexistro de movementos e compravenda de gando. Careceren os animais da correspondente identificación.

Preceptos infrinxidos: artigo 11 da Orde do 21 de outubro de 1980 (BOE do 31 de outubro). Artigo 103

do Decreto 355/1994, do 2 de decembro. Artigo 52.4º do Decreto do 4 de febreiro de 1955. Artigo 10 da Orde do 23 de agosto de 1995 e artigo 7 do Real decreto 205/1996, do 9 de febreiro.

Precepto sancionador: artigo 103 da Lei 50/1998, do 30 de decembro, de medidas fiscais, administrativas e da orde social, e artigo 224 do regulamento da Lei de epizootias.

Sanción: 1.140 euros.