Ana María Carrasco García, secretaria do Xulgado do Social número catro da Coruña, dá fe e certifica que neste xulgado se seguen autos nº 660/2001, por instancia de María Teresa Fernández García contra o Instituto Nacional da Seguridade Social, a Mutua Galega de Accidentes de Traballo, a empresa Belan Textil, S.L. e a Tesourería Xeral da Seguridade Social, sobre prestacións, nos que recaeu sentencia con data do 16-7-2003 que, copiada nos particulares necesarios, di así:
«Decido que, estimando a demanda interposta por María Teresa Fernández García, contra o Instituto Nacional da Seguridade Social, a Mutua Galega de Accidentes de Traballo, a empresa Belan Textil, S.L. e a Tesourería Xeral da Seguridade Social, debo declarar e declaro que a demandante ten dereito ó recoñecemento da prestación de incapacidade temporal solicitada en demanda, condenado as demandadas a se ater á anterior declaración e a empresa Belan Textil, S.L., como responsable directa, ó aboamento da prestación referida desde o 19-4-2001 ata o 28-5-2001. A mutua demandada, a lle anticipa-lo pagamento desta cantidade desde o décimo sexto día da baixa e ata a sua extinción, na contía de
450,75 euros, cos aumentos, melloras, revalorizacións e efectos económicos correspondentes. Absolvo o Instituto Nacional da Seguridade Social.
Notifíqueselles esta resolución ás partes e fágaselles saber que contra ela cabe anunciar recurso de suplicación dentro dos cinco días seguintes ó da notificación da sentencia, ante este xulgado, do que coñecerá, de se-lo caso, a Sala do Social do Tribunal Superior de Xustiza de Galicia, tal como establecen os artigos 187 e seguintes do texto articulado da Lei de procedemento laboral, aprobado polo Real decreto lexislativo 521/1990, do 27 de abril.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que sirva de notificación en forma a empresa Belan Textil, S.L., expido e asino esta cedúla na Coruña o 16 de xullo de 2003.
A secretaria xudicial
Rubricado