Ana María Carrasco García, secretaria do Xulgado do Social número catro da Coruña, dá fe e certifica que neste xulgado se seguen autos nº 547/2002, por instancia de Domingo Jesús Pérez Martínez contra o Instituto Nacional da Seguridade Social e outro, sobre outros extremos, nos que recaeu sentencia con data do 3-7-2003 que, copiada nos particulares necesarios, di así:

«Decido que, estimando a demanda interposta por Jesús Pérez Martínez, contra o Instituto Nacional da Seguridade Social e a empresa Gráfico Galaico, S.A., debo declarar e declaro que o demandante se encontra en situación legal constitutiva de invalidez permanente absoluta para toda profesión ou oficio por enfermidade común, con dereito á pension vitalicia na contía inicial do 100% da base reguladora de 1.439,33 euros mensuais, 14 veces ó ano, condenando as partes demandadas a se ater á anterior declaración e ó Instituto Nacional da Seguridade Social ó aboamento da prestación na contía referida, consonte a dita base reguladora, cos aumentos, melloras, revalorizacións e efectos económicos correspondentes. E a empresa Gráfico Galaico, S.A. a que constitúa na Tesourería Xeral da Seguridade Social o capital custo de renda necesario para facer fronte á diferencia da base reguladora.

Notifíqueselle ás partes esta resolución e fágaselles saber que contra ela non cabe anunciar ningún recurso.

Así, por esta miña sentencia, definitivamente xulgando en primeira instancia, pronúncioo, mándoo e asínoo».

E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Gráfico Galaico, S.A., expido e asino esta cedúla na Coruña o 23 de xullo de 2003.

A secretaria xudicial

Rubricado