O artigo número 20 da Lei orgánica 15/1999, do 13 de decembro, de protección de datos de carácter persoal (BOE nº 298, do 14 de decembro), especifica que a creación, modificación ou supresión dos ficheiros das administracións públicas só se poderán facer mediante a disposición xeral correspondente.
Para tal efecto, o Consello de Dirección do Instituto Galego de Promoción Económica (Igape), na súa reunión do 4 de xullo, adoptou o acordo de modifica-los ficheiros automatizados de datos de carácter persoal denominados:
-Actividades de formación.
-Axudas financeiras.
-Bancos de ideas e proxectos empresariais.
-Persoal.
Os textos destes acordos incorpóranse como anexos a esta resolución.
Polo que antecede, e en virtude das facultades que teño conferidas mediante os artigos 12 a) da Lei 5/1992, do 10 de xuño, de creación do Instituto Galego de Promoción Económica e 11.1º a) do Decreto 317/1992, do 12 de novembro, que aproba o seu regulamento.
RESOLVO:
Facer público os acordos do Consello de Dirección do Igape que figuran como anexos a esta resolución.
Santiago de Compostela, 17 de xullo de 2003.
Margarita Rodríguez Rama
Directora xeral do Instituto Galego de Promoción
Económica
ANEXO I
Acordo do Consello de Dirección do Instituto Galego de Promoción Económica polo que se modifica o ficheiro automatizado de datos de carácter persoal «Actividades de formación».
Artigo 1º.-Obxecto.
Modificación no Instituto Galego de Promoción Económica (Igape) do ficheiro de datos de carácter persoal denominado «Actividades de formación».
O ficheiro pasa a chamarse «Actividades Igape/promoción».
Artigo 2º.-Finalidade, estructura e usos.
1. O ficheiro modifica a súa finalidade actual e pasa a te-la finalidade de atende-la inscrición das persoas que teñen intención de acudir ou que participaron en xornadas, eventos, foros, charlas ou
actos nos que, dalgún xeito, o Igape participe como organizador ou colaborador.
As persoas ou colectivos afectados serán calquera que desexe participar nas actividades organizadas polo Igape.
2. O uso previsto do ficheiro é manter informadas a todas aquelas persoas que amosen interese polas actividades organizadas polo Igape.
Os datos de carácter persoal rexistrados neste ficheiro só serán utilizados para os fins expresamente previstos e por persoal debidamente autorizado.
3. A estructura do ficheiro seguirá a se-la de base de datos, con idéntica estructura que a xa declarada.
Artigo 3º.-Medidas de seguridade.
Este ficheiro clasifícase como de nivel medio, atendendo ó disposto no artigo 4 do Real decreto 994/1999, do 11 de xuño. As medidas de seguridade polas que se rexerá o ficheiro están especificadas no documento de seguridade elaborado polos servicios da Secretaría Xeral do Igape.
Artigo 4º.-Órganos da Administración responsables dos ficheiros.
A responsabilidade sobre os ficheiros automatizados correspóndelle ó Instituto Galego de Promoción Económica, que adoptará as medidas de xestión e organización que sexan necesarias, asegurando a confidencialidade, os dereitos e as obrigas recoñecidos na Lei orgánica 15/1999, do 13 de decembro.
Artigo 5º.-Dereito de acceso, rectificación e cancelación.
Os dereitos de acceso, rectificación e cancelación poderán exercerse, se é o caso, ante o responsable do ficheiro (complexo administrativo San Lázaro, s/n, 15703 Santiago de Compostela).
Artigo 6º.-Procedemento de recollida de datos.
O procedemento de recollida dos datos de carácter persoal realizarase por medio de enquisas, formularios, cupóns ou a través da web corporativa do Igape.
Artigo 7º.-Comunicación e cesión dos datos.
Non se prevé cesión ou comunicación.
Disposición derradeira
Este acordo entrará en vigor o día seguinte ó da súa publicación no Diario Oficial de Galicia.
ANEXO II
Acordo do Consello de Dirección do Instituto Galego de Promoción Económica polo que se modifica o ficheiro automatizado de datos de carácter persoal «Axudas financeiras».
Artigo 1º.-Obxecto.
Modificación no Instituto Galego de Promoción Económica (Igape) do ficheiro de datos de carácter persoal denominado «Axudas financeiras».
A partir de agora o ficheiro pasa a denominarse «Beneficiarios-terceiros».
Artigo 2º.-Finalidade, estructura e usos.
1. O ficheiro ten por finalidade elaborar unha base de datos con tódolos expedientes presentes e futuros en trámites polo Igape, pagamentos a provedores e concesión de bolsas. Considérase a posibilidade de envío de comunicacións sobre axudas e actividades de interese para os beneficiarios e empresarios.
As persoas ou colectivos afectados serán tódolos que soliciten axudas e tramiten un expediente no Igape, provedores cos que se manteñen relacións comerciais e bolseiros do Igape.
2. O uso previsto do ficheiro é o control de expedientes, pagamentos a provedores e concesión de bolsas.
Os datos de carácter persoal rexistrados neste ficheiro só serán utilizados para os fins expresamente previstos e por persoal debidamente autorizado.
3. A estructura do ficheiro será o de base de datos, no que constarán os seguintes datos de carácter persoal:
1. Nome e apelidos.
2. DNI.
3. Sexo.
4. Número da Seguridade Social.
5. Lugar e data de nacemento.
6. Teléfono.
7. Estado civil.
8. Idade.
9. Réxime económico matrimonial.
10. Ingresos, rendas, plans de pensións, hipotecas, créditos bancarios.
11. Datos bancarios (CCC).
12. Formación e titulación do solicitante.
13. Participación no capital social da empresa á que pertence.
14. Actividade da empresa.
15. Bens e servicios recibidos polo interesado.
16. Bens e servicios subministrados polo interesado.
17. Datos fiscais.
18. Datos de infraccións administrativas.
Artigo 3º.-Medidas de seguridade.
Este ficheiro clasíficase, a partir de agora, como de nivel medio, atendendo ó disposto no artigo 4 do Real decreto 994/1999, do 11 de xuño. As medidas de seguridade polas que se rexerá o ficheiro están especificadas no documento de seguridade elaborado polos servicios da Secretaría Xeral do Igape.
Artigo 4º.-Órganos da Administración responsables dos ficheiros.
A responsabilidade sobre os ficheiros automatizados correspóndelle ó Instituto Galego de Promoción Económica, que adoptará as medidas de xestión e organización que sexan necesarias, asegurando a confidencialidade, os dereitos e as obrigas recoñecidas na Lei orgánica 15/1999, do 13 de decembro.
Artigo 5º.-Dereito de acceso, rectificación e cancelación.
Os dereitos de acceso, rectificación e cancelación poderán exercerse, se é o caso, ante o responsable do ficheiro (complexo administrativo San Lázaro, s/n, 15703 Santiago de Compostela).
Artigo 6º.-Procedemento de recollida de datos.
O procedemento de recollida dos datos de carácter persoal segue a se-lo mesmo.
Artigo 7º.-Comunicación e cesión dos datos.
Logo do consentimento do afectado, os datos poderán comunicarse ás entidades bancarias, caixas de aforros, sociedades de garantía recíproca e calquera outra entidade colaboradora que se indique no procedemento en cuestión.
Disposición derradeira
Este acordo entrará en vigor o día seguinte ó da súa publicación no Diario Oficial de Galicia.
ANEXO III
Acordo do Consello de Dirección do Instituto Galego de Promoción Económica polo que se modifica o ficheiro automatizado de datos de carácter persoal «Banco de ideas e proxectos empresariais».
Artigo 1º.-Obxecto.
Modificación no Instituto Galego de Promoción Económica (Igape) do ficheiro de datos de carácter persoal denominado «Banco de ideas e proxectos empresariais».
Artigo 2º.-Finalidade, estructura e usos.
1. O ficheiro non modifica a súa finalidade actual.
As persoas ou colectivos afectados seguen a se-los mesmos.
2. O uso previsto do ficheiro segue a se-lo mesmo.
Os datos de carácter persoal rexistrados neste ficheiro só serán utilizados para os fins expresamente previstos e por persoal debidamente autorizado.
3. A estructura do ficheiro segue a se-la mesma.
Artigo 3º.-Medidas de seguridade.
Este ficheiro clasifícase, a partir de agora, como de nivel medio, atendendo ó disposto no artigo 4 do Real decreto 994/1999, do 11 de xuño. As medidas de seguridade polas que se rexerá o ficheiro están especificadas no documento de seguridade elaborado polos servicios da Secretaria Xeral do Igape.
Artigo 4º.-Órganos da Administración responsables dos ficheiros.
A responsabilidade sobre os ficheiros automatizados correspóndelle ó Instituto Galego de Promoción Económica, que adoptará as medidas de xestión e organización que sexan necesarias, asegurando a confidencialidade, os dereitos e as obrigas recoñecidas na Lei orgánica 15/1999, do 13 de decembro.
Artigo 5º.-Dereito de acceso, rectificación e cancelación.
Os dereitos de acceso, rectificación e cancelación poderán exercerse, se é o caso, ante o responsable do ficheiro (complexo administrativo San Lázaro, s/n, 15703 Santiago de Compostela).
Artigo 6º.-Procedemento de recollida de datos.
O procedemento de recollida dos datos de carácter persoal segue a se-lo mesmo.
Artigo 7º.-Comunicación e cesión dos datos.
Non se prevé cesión ou comunicación.
Disposición derradeira
Este acordo entrará en vigor o día seguinte ó da súa publicación no Diario Oficial de Galicia.
ANEXO IV
Acordo do Consello de Dirección do Instituto Galego de Promoción Económica polo que se modifica o ficheiro automatizado de datos de carácter persoal «Persoal».
Artigo 1º.-Obxecto.
Modificación no Instituto Galego de Promoción Económica (Igape) do ficheiro de datos de carácter persoal denominado «Persoal».
Artigo 2º.-Finalidade, estructura e usos.
1. O ficheiro non modifica a súa finalidade actual.
As persoas ou colectivos afectados seguen a se-los mesmos.
2. O uso previsto do ficheiro segue a se-lo mesmo.
Os datos de carácter persoal rexistrados neste ficheiro só serán utilizados para os fins expresamente previstos e por persoal debidamente autorizado.
3. A estructura do ficheiro será o de base de datos, no que constarán os seguintes datos de carácter persoal:
1. Nome e apelidos.
2. DNI.
3. Número da Seguridade Social.
4. Enderezo.
5. Teléfono.
6. Imaxe.
7. Sinatura.
8. Posto de traballo no Igape.
9. Formación académica e titulacións.
10. Experiencia profesional.
11. Datos bancarios (CCC).
12. Estado civil.
13. A data e o lugar de nacemento.
14. Datos de familia.
Artigo 3º.-Medidas de seguridade.
Este ficheiro clasifícase, a partir de agora, como de nivel medio, atendendo ó disposto no artigo 4 do Real decreto 994/1999, do 11 de xuño. As medidas de seguridade polas que se rexerá o ficheiro están especificadas no documento de seguridade elaborado polos servicios da Secretaría Xeral do Igape.
Artigo 4º.-Órganos da Administración responsables dos ficheiros.
A responsabilidade sobre os ficheiros automatizados correspóndelle ó Instituto Galego de Promoción Económica, que adoptará as medidas de xestión e organización que sexan necesarias, asegurando a confidencialidade, os dereitos e as obrigas recoñecidas na Lei orgánica 15/1999, do 13 de decembro.
Artigo 5º.-Dereito de acceso, rectificación e cancelación.
Os dereitos de acceso, rectificación e cancelación poderán exercerse, se é o caso, ante o responsable do ficheiro (complexo administrativo San Lázaro, s/n, 15703 Santiago de Compostela).
Artigo 6º.-Procedemento de recollida de datos.
O procedemento de recollida dos datos de carácter persoal segue a se-lo mesmo.
Artigo 7º.-Comunicación e cesión dos datos.
Non se prevé cesión ou comunicación.
Disposición derradeira
Este acordo entrará en vigor o día seguinte ó da súa publicación no Diario Oficial de Galicia.