Nas Palmas de Gran Canaria o 9 de xuño de 2003, á hora fixada e constituído en audiencia pública o maxistrado-xuíz do Xulgado do Social número catro, Javier R. Díez Moro, asistido de min como secretario, son chamadas as partes desde a porta do xulgado polo axente xudicial, dando as voces preceptivas e comparecen:

Da parte demandante: Antonio Seoane Cobas, representado pola licenciada Lda. Cristina Ravelo Ferrer.

Con carácter pevio á apertura do acto, e logo da venia de S.SªI. formúlase solicitude de arquivo provisonal de acordo coas seguintes alegacións: mentres sexa resolto pola Sala de TSX Canarias o despedimento do demandante con empresas aquí demandadas, para efectos de recoñecemento de períodos e cantidades no procedemento de referencia reclamada.

En vista do cal, po S.SªI., procédese a dictar in voce a seguinte resolución:

Auto.

Visto o que antecede, e:

Feitos.

Primeiro.-que por Antonio Seone Cobas foi formulada demanda contra Miguel García Ruiz, Compañía Insular del Gas, S.L., Terogas, S.L., Europea de Gas Butano, S.L., Iberbutano, S.L., Insugas, S.L. sobre ordinario, e admitida a trámite polas normas de procedemento de aplicación convocouse ás partes ós actos de conciliación se é o caso, e de xuízo.

Segundo.-Que antes da celebración do acto sinalado, solicítase o arquivo provisional do proceso verténdose ó respecto as alegacións das partes que constan con antelación.

Razoamentos xurídicos.

Primeiro.-Que ó abeiro do previsto no artigo 83 da LPL, por petición das partes ou por motivos xustificados e acreditados poderán suspenderse por unha vez os actos de conciliación e xuízo, e excepcionalmente e por circunstancias graves adecuadamente probadas, poderá acordarse unha segunda suspensión.

Segundo.-Que por imperio do artigo 19 da LEC, en relación co artigo 179.2º desta lei de aplicación subsidiaria, os litigantes están facultados para dispor do obxecto de xuízo e solicita-la suspensión do proceso, salvo prexuízo do interese xeral ou de terceiros,

e sempre que a lei non o prohíba polo que non procede acceder á solicitude do arquivo provisional, tácita e loxicamente comprendida entre as facultades que a lei outorga ás partes en relación ó proceso.

Vistos os preceptos legais dictados e demais de xeral e pertinente aplicación ó caso, S.Sª.I. ante min o secretario, dixo:

Decrétase o arquivo provisional deste procedemento que permanecerá en tal situación mentres non se solicite a súa continuación, sen prexuízo, se é o caso, da caducidade da instancia.

Póñase o oportuno asento nos libros de rexistro da súa razón.

Notifíquese esta resolución ás partes en legal forma, facéndose saber ó tempo que contra esta cabe interpor recurso de reposición ante este xulgado, dentro do prazo de cinco días hábiles seguintes á súa notificación.

Así, acórdase, manda e asina.

Dictada e publicada pola súa lectura a anterior resolución por S.SªI. dáse por rematado o acto, e estendida esta notificación, é lida e asinada polos concorrentes, en proba de conformidade e constancia, de recibir copia da acta e quedar debidamente notificados, despois de S.SªI. e conmigo o secretario, dou fe.

Para notificarlle á empresa Europa de Gas Butano, S.L.

Ante min:

Rubricado