De conformidade co disposto polo artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común, notifícaselle persoa que no anexo se menciona a incoación do expediente sancionador por presunta infracción á Lei sobre incendios forestais 81/1968, do 5 de decembro, e do seu regulamento, aprobado polo Decreto 3769/1972, do 23 de decembro, ó non ser posible a súa notificación a través do servicio de correos.

Noméase instructora do expediente a Míriam Areal López, funcionaria desta delegación que poderá ser recusada conforme o réxime de recusación establecido nos artigos 28 e 29 da Lei 30/1992.

A resolución do expediente será acordada polo delegado provincial (artigo 141 do Regulamento do 23-12-1972, en relación co Real decreto 67/1981, do 9 de xaneiro).

O expedientado ten dereito a coñecer en calquera momento do procedemento o estado de tramitación no que se encontra o expediente, acceder a el e obter copia dos documentos e das informacións

incluídas nel, tralo pagamento das taxas correspondentes.

Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación para que poidan presentar por escrito cantas alegacións ou propostas de probas considere oportunas na defensa dos seus dereitos nesta delegación provincial sita na rúa do Paseo,18-5º piso.

De non efectuar ningunha alegación no prazo fixado, este acordo de incoación poderá ser considerado propuesta de resolución, conforme o establecido no artigo 13.2º do Regulamento para o exercicio da potestade sancionadora, aprobado polo Real decreto 1398/1993, do 4 de agosto, determinándose para estes efectos o importe da sanción indicado no anexo.

De conformidade co artigo 42.4º, da Lei 30/1992, en relación coa Lei 4/1999, de réxime xurídico das administracións públicas e do procedemento administrativo común, infórmase de que no caso de non resolve-lo presente expediente no prazo de seis meses, tendo en conta as posibles interrupcións do seu cómputo por causas imputables ó interesado, producirase a súa caducidade. A resolución que declare a caducidade ordenará o arquivo das actuacións cos efectos previstos no artigo 92 desta lei.

O pagamento voluntario poderá implica-la terminación do procedemento sen prexuízo da posibilidade de interpoñe-los recursos procedentes (artigo 8.2º do Real decreto 1398/1993). O importe da sanción que en cada caso corresponda farase efectivo na conta de recadación de multas e sancións da Xunta de Galicia empregando o impreso oficial que se facilitará na Delegación Provincial en Ourense.

Ourense, 19 de maio de 2003.

Agustín Prado Verdeal

Delegado provincial de Ourense

ANEXO

Expediente nº/ano: OU-107/2003-I.

Denunciado: José Manuel Gómez Iglesias.

DNI: 34970281.

Último enderezo coñecido: r/ Marcelo Macías, nº 8-4º B (Ourense).

Feito denunciado: realizar unha queima de herba seca e maleza carecendo da autorización correspondente.

Precepto infrinxido e sancionador: artigo 137 b) do Regulamento do 23-12-1972 en relación coa Resolución do 11-2-2003 da Dirección Xeral de Montes e Industrias Forestais.

Sanción: 90,15 euros.