(105/2003). Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño en autos seguidos perante este Xulgado do Social, tramitados baixo o número 105/2003 por instancia de Ivan Lampón Ortega, contra a empresa Cos Coruña, S.L., sobre despedimento, dictouse a seguinte:

«Sentencia.-Na cidade da Coruña o 11 de marzo de 2003. Jorge Hay Alba, maxistrado-xuíz do Social número dous desta cidade, viu os presentes autos de xuízo número 105/2003, seguidos por instancia de Ivan Lampón Ortega, maior de idade, asistido polo letrado José Nogueira Esmorís, contra a empresa Cos Coruña, S.L.. que non compareceu, sendo o obxecto da reclamación, despedimento.

Seguen feitos e fundamentos de dereito.

Decido que, estimando a demanda interposta por Ivan Lampón Ortega, debo declarar e declaro improcendente o despedimento efectuado pola empresa Cos Coruña, S.L., condenando á demandada a que, no prazo de cinco días contado desde a data da notificación da sentencia, opte entre a readmisión inmediata do demandante nas mesmas condicións que tiña con anterioridade, ou o aboamento dunha indemnización de 233,70 euros máis, en ámbolos casos, o aboamento dos salarios de tramitación deixados de percibir desde a data do despedimento ata a notificación desta resolución, que ascenden a 31,16 euros diarios.

Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia e, no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade obxecto da condena na conta

de depósitos e consignacións que este xulgado ten aberta no Banesto desta cidade, co número de conta 0030-6349-0000-5603, clave 60, facendo constar no ingreso o número do expediente.

E así mesmo deberá, no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.

Así, por esta miña sentencia, definitivamente xulgando en primeira instancia, pronúncioo, mándoo e asínoo».

E para que sirva de notificación á empresa Cos Coruña, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula de notificación na Coruña o 23 de abril de 2003.

O secretario xudicial

Rubricado