(86/2003). Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos número 86/2003 por instancia de María José Romero Gómez contra Confecciones Asturgal, S.L. sobre salarios, nos que recaeu sentencia en data 23-4-2003 que, copiada nos particulares necesarios, di así:

«Que estimando a demanda formulada por María José Romero Gómez, declaro a improcedencia do seu despedimento, condenando a empresa Confecciones Asturgal, S.L. a que, á súa elección, que deberá efectuar no prazo de cinco días, a readmita no seu posto e condicións de traballo ou a indemnice coa cantidade de 1.743,22 euros, así comoa aboar, en concepto de salarios de tramitación para o suposto de readmisión, a cantidade de 3.221,65 euros.

Notifíqueselles esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncia-lo previamente ante este xulgado do social, no prazo de cinco días hábiles a partir do día seguinte ó da súa notificación.

Prevese a empresa demandada que para recorrer, deberá acreditar ter ingresado na c/c de consignacións código 5604.0000.60 86-2003 de Banesto desta cidade, denominada conta do Xulgado do Social número tres, o importe da condena de 150,25 euros en concepto de depósito, requisitos sen os cales non será admitido a trámite o recurso, quedando firme a sentencia.

Así mesmo, advírtese á parte demandada que, se fai uso de tal dereito, optando pola readmisión,

durante trámite do procedemento, deberá aboar á parte demandante o mesmo salario que percibiría estando obrigada esta a presta-los seus servicios á demandada, a menos que prefira facer uso de tal aboamento sen percibir compensación ningunha, por parte demandante.

Así, por esta miña sentencia, da que se unirá cerficiación ós autos orixinais para a súa notificación e cumprimento, xulgando, pronúncioo, mándoo e asínoo».

E para que conste, para efectos da súa publicación no Diario Oficial de Galicia co fin de que sirva de notificación en forma á empresa Confecciones Asturgal, S.L., expido e asino esta cédula na Coruña o 25 de abril de 2003.

O secretario xudicial

Rubricado