Eu, Jaime Balado Yañez, secretario xudicial do Xulgado do Social número dous da Coruña, dou fe e testemuño de que en autos seguidos perante este xulgado do social, tramitados baixo o número 655/2002 por instancia de María José Vilas Cancela e outros contra as empresa El Partido de A Coruña, S.L., El Partido de Barcelona, S.L. e Fogasa sobre salarios, dictouse a seguinte sentencia:
«Sentencia. Na cidade da Coruña, o 27 de marzo de 2003, Jorge Hay Alba, maxistrado-xuíz do Xulgado do Social número dous da Coruña, viu os presentes autos de xuízo número 655/2002, seguidos por instancia de María José Vilas Cancela e outros, maiores de idade, asistidos polo letrado Benito Lodos Martínez, contra as empresas El Partido de A Coruña, S.L., El Partido de Barcelona, S.L. que non comparecen en autos, e o Fogasa, representado e asistido pola letrada Enma Pérez Díez del Corral, sendo o obxecto da reclamación, salarios.
Seguen feitos e fundamentos de dereito.
Decido que debo estimar e estimo a demanda interposta polos actores María José Vilas Cancela, Ramiro Freire Sánchez e Juan García Chas, coa intervención do Fogasa, condenando as empresas El Partido de A Coruña, S.L. e El Partido de Barcelona, S.L. a
que abonen ós actores as seguintes cantidades: a María José Vilas Cancela, 4.507,60 euros, a Ramiro Freire Sánchez, 2.103,55 euros e a Juan García Chas, 1.803,05 euros.
Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia e, no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no Banesto desta cidade, co número de conta 0030-6349-0000-5603, clave 60, facendo constar no ingreso o número do expediente.
E, así mesmo, deberá, no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que sirva de notificación á empresa El Partido de A Coruña, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula de notificación na Coruña, 27 de marzo de 2003.
O secretario xuridicial
Rubricado