Jaime Balado Yáñez, secretario xudicial do Xulgado do Social número dous da Coruña, dou fe e testemuño que nos autos seguidos perante este Xulgado do Social, tramitados baixo o número 845/2002 por instancia de Paulino Esparragosa Rodríguez contra a empresa Excavaciones Claudio y Arturo, S.L. sobre despedimento, dictouse a seguinte sentencia:
«Na cidade da Coruña, 14 de xaneiro de 2003.
Jorge Hay Alba, maxistrado xuíz do social número dous desta cidade, viu os presentes autos de xuízo número 845/2002, seguidos por instancia de Paulino Esparragosa Rodríguez, maior de idade, asistido polo letrado Miguel Nouche Ferreira, contra a empresa Excavaciones Claudio y Arturo, S.L., que non compareceu nos autos, sendo o obxecto da reclamación, despedimento.
Seguen feitos e fundamentos de dereito.
Decido que estimando a demanda interposta por Paulino Esparragosa Rodríguez, debo declarar e declaro improcedente o despedimento efectuado pola empresa Excavaciones Claudio y Arturo, S.L. e debo condenar e condeno a esta a que, no prazo de cinco días, opte entre a readmisión inmediata do traballador nas mesmas condicións que posuía con anterioridade ou á extinción do contrato con aboamento de 1.668,56 euros en concepto de indemnización e, no caso de optar pola readmisión, o aboamento dos salarios de tramitación desde a data do despedimento, que ascenden a 29,66 euros/día.
Notifíqueselles esta resolución ás partes ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, que se deberá anunciar ante este xulgado no prazo de cinco días contado a partir da notificación desta sentencia, e no propio termo, se o recorrente non goza do beneficio da xustiza gratuíta, deberá ó anuncialo, entrega-lo xustificante acreditativo de consignación da cantidade obxecto da condena no conta de depósitos e consignacións que neste xulgado ten aberta no Banesto desta cidade, co número de conta 0030-6349-0000-5603, clave 60, facendo constar no ingreso o número do expediente.
E así mesmo, deberá no momento de interpo-lo recurso, consigna-la cantidade de 150,25 euros, en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia pronúncioo, mándoo e asínoo».
E para que sirva de notificación á empresa Excavaciones Claudio y Arturo, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña o 17 de marzo de 2003.
O secretario xudicial
Rubricado