Eu, Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos número 820/2002 por instancia de Gloria Alonso Hermo contra a empresa Castro Alonso Coruña, S.L. sobre salarios, nos que recae sentencia con data do 12 de marzo de 2003 que, copiada nos particulares necesarios, di así:
«Que, estimando a demanda formulada por Gloria Alonso Hermo, contra a empresa Castro Alonso Coruña, S.L., condeno a aboarlle a cantidade de 3.151,68 euros, que lle debe en concepto de salarios.
Notifíqueselles esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente, ante este xulgado do social, no prazo de cinco días hábiles contados a partir do día seguinte ó da súa notificación.
Prevese a empresa demandada que, para recorrer deberá acreditar ter ingresado na c/c de consignacións, código 5604 0000 60 820-2002 de Banesto (0030) desta cidade, denominada Conta do Xulgado do Social número tres, o importe da condena e 150,25 euros en concepto de depósito, requisitos sen os cales non será admitido a trámite o recurso, quedando firme a sentencia.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Castro Alonso Coruña, S.L., expido e asino esta cédula na Coruña o 14 de marzo de 2003.
O secretario xudicial
Rubricado