Eu, Ana María Carrasco García, secretaria do Xulgado do Social número catro da Coruña, dou fe e

certifico que neste xulgado se seguen autos número 895/2001 por instancia de Fernando Calvo Pérez contra Construcciones Gomaño, S.L. sobre salarios, nos que recaeu sentencia con data do 3-2-2003 que, copiada nos particulares necesarios, di así:

Decido que desestimando a excepción alegada pola empresa Construcciones Gomaño, S.L. e estimando a demanda interposta por Fernando Calvo Pérez contra a empresa Construcciones Gomaño, S.L. e Cupabi, S.A., condeno solidariamente a estas ó aboamento da cantidade de 4.577 euros (761.458 pesetas) polas cantidades reclamadas na demanda.

Así, por esta miña sentencia, contra a que se poderá recorrer en suplicación para ante a Sala do Social do Tribunal Superior de Xustiza de Galicia no prazo de cinco días, contados a partir do día seguinte ó da súa notificación, anunciando o propósito de presentalo mediante comparecencia ou por escrito. É indispensable que, ó tempo de anuncialo, o recorrente, se é empresario, exhiba perante este Xulgado do Social o xustificante acreditativo de ter depositado na conta deste xulgado, aberta no Grupo Banesto (Banco Español de Crédito, S.A. e Banco de Vitoria, S.A.), co número 5605 0000 60 0895 01, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia. Deberase consignar, ademais, a cantidade de 150,25 euros na mesma conta 5605 0000 65 0895 01, entregándose o

xustificante na secretaría, ó tempo de interpoñe-lo recurso, que se declarará desistido de non constituírse este depósito na forma indicada. Definitivamente xulgando na primeira instancia pronúncioo, mándoo e asínoo.

Notifíqueselles esta ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.

E para que conste, para efectos da súa publicación no Diario Oficial de Galicia co fin de que sirva de notificación en forma á empresa Cubapi, S.A. expido e asino esta cédula na Coruña o 11 de marzo de 2003.

A secretaria xudicial

Rubricado