Visto o expediente da revisión salarial do convenio colectivo da empresa El Pote, S.A. que tivo entrada nesta delegación provincial o día 28-1-2003, subscrito en representación da parte económica pola empresa e, da parte social, polo delegado de persoal o día 24-1-2003, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 7 de febreiro de 2003.
Elisa Madarro González
Delegada provincial da Coruña
Acta.
A Coruña, ás dez horas do día 24 de xaneiro de 2003, reúnense Javier Buján Chamorro, delegado de persoal de El Pote, S.A., asistido por Nieves Montes Patiño, asesora de UGT, en representación dos traballadores da empresa.
E doutra parte, en representación de El Pote, S.A., o letrado Miguel Calderón Acero.
O obxecto da reunión é a revisión das táboas salariais do convenio do ano 2002 e o acordo sobre as aplicables no ano 2003.
En cumprimento do disposto no artigo 7 do convenio vixente para o ano 2002 e visto que o IPC real foi do 4% adóptase o acordo de actualiza-las aprobadas no convenio co 0,5% de incremento, segundo o anexo I desta acta.
Estas táboas terán efecto desde o 1 de xaneiro de 2002 polo que a empresa se compromete a facer efectivo ós traballadores os atrasos correspondentes.
Así mesmo e sobre as táboas revisadas de 2002 establécense as de 2003 incrementándose estas nun 3% con base no citado artigo.
As táboas salariais de 2003 achéganse a esta acta como anexo II.
E non tendo outros asuntos que tratar deuse por finalizada a reunión ás doce horas, na data indicada.
ANEXO I
Táboas salariais revisadas 2002
Categoría Salario base mensual 2002 (atrasos)
Director 1.025,86 A Xefe de división 911,83 A Xefe de centro ou sucursal 796,99 A Xefe de sección 724,90 A Dependente 614,19 A Axudante 569,76 A Oficial 1ª administrativo 661,98 A Oficial 2ª administrativo 614,19 A Auxiliar administrativo 579,81 A Decorador 724,90 A Axudante decoración e publicidade 614,19 A Escaparatista 717,73 A Montador de escaparates 614,19 A Profesional de oficio de 1ª 614,19 A Profesional de oficio de 2ª 596,60 A Mozo 579,81 A Complemento de transporte 60,84 A
ANEXO II
Táboas salariais 2003
anual
Categoría Salario base mensual 2003 Cómputo
Director 1.056,64 A 17.658,28 A Xefe de división 939,18 A 15.778,92 A Xefe de centro ou sucursal 820,90 A 13.886,44 A Xefe de sección 746,65 A 12.698,44 A Dependente 632,62 A 10.873,96 A Axudante 586,85 A 10.141,64 A Oficial 1ª administrativo 681,84 A 11.661,48 A Oficial 2ª administrativo 632,62 A 10.873,96 A Auxiliar administrativo 597,20 A 10.307,24 A Decorador 746,65 A 12.698,44 A Axudante decoración e publicidade 632,62 A 10.873,96 A Escaparatista 739,26 A 12.580,20 A Montador de escaparates 632,62 A 10.873,96 A Profesional de oficio de 1ª 632,62 A 10.873,96 A Profesional de oficio de 2ª 614,50 A 10.584,04 A Mozo 597,20 A 10.307,24 A Complemento de transporte 62,67 A
