Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño nos autos seguidos perante este Xulgado do Social, tramitados baixo o número 945/2002 contra a empresa Kids Galicia, S.L. sobre despedimento, dictouse a seguinte sentencia:
Sentencia. A Coruña, 14 de febreiro de 2003.
Jorge Hay Alba, maxistrado-xuíz do social número dous desta cidade, viu os presentes autos de xuízo número 945/2002, seguidos por instancia de María Victoria Louro Ferreiro e Patricia Suárez Casas, maiores de idade, asistidas polo letrado Miguel Taboada Pérez, contra a empresa Kids Galicia, S.L. e o fondo de garantía salarial, que non compareceron nos autos, sendo o obxecto da reclamación, despedimento.
Seguen feitos e fundamentos xurídicos.
Decido que debo estimar e estimo a demanda interposta polas demandantes e declaro improcedentes o despedimento efectuado pola empresa Kids Galicia, S.L. e extinguida a relación laboral na data desta resolución, e debo condenar e condeno a empresa a que lle aboe ás demandantes a seguinte indemnización: a María Victoria Louro Ferreiro, 6.441,78 euros e a Patricia Suárez Casas, 3.359,11 euros.
Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no banco Banesto desta cidade, co número de conta 5603 clave 60, facendo constar no ingreso o número do expediente.
E así mesmo deberá, no momento de interpo-lo recurso, consigna-la cantidade de 150,25 euros en
concepto de depósito, na clave 65 da citada conta e expediente.
Así, por esta miña sentencia definitivamente xulgando en primeira instancia pronúncioo, mándoo e asínoo.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade de 150,25 euros na conta de depósitos e consignacións que este xulgado ten aberta no banco Banesto desta cidade, co número de conta 0030-6349-0000-5603 clave 65, facendo constar no ingreso o número do expediente.
E para que sirva de notificación á empresa Kids Galicia, S.L., de domicilio descoñecido, mediante a súa publicación no Diario Oficial de Galicia, expido e asino esta cédula na Coruña o 14 de febreiro de 2003.
O secretario xudicial
Rubricado