Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño:

Nos autos seguidos perante este Xulgado do Social, tramitados baixo o número 348/2002 contra empresa Constructora Exporvey, S.L. e outro sobre salarios, dictouse a seguinte sentencia:

«A Coruña, 28 de xaneiro de 2003.

Jorge Hay Alba, maxistrado xuíz do Xulgado do Social número dous desta cidade, viu os presentes autos de xuízo número 348/2002 seguidos por instancia de Luis Ernesto Diamante Baamonde, maior de idade, representado e asistido pola letrada Cristina Gómez Lozano, contra a empresa Cegape, S.L. e a empresa Constructora Exporvey, S.L. que non compareceron nos autos, e a intervención do fondo de garantía salarial, representado e asistido pola letrada Enma Pérez Díez del Corral, sendo o obxecto da reclamación, salarios.

Seguen feitos e fundamentos xurídicos.

Decido que debo estimar y estimo a demanda interposta por Luis Ernesto Diamante Baamonde contra

a empresa Cegape, S.L. e a empresa Constructora Exporvey, S.L., debo condenar e condeno a estas solidariamente a que aboen ó demandante a cantidade de 6.846,07 euros polos conceptos reclamados na demanda.

Notifíqueselles esta resolución ás partes, ás que se fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no banco Banesto desta cidade, co número de conta 5603, clave 60, facendo constar no ingreso o número do expediente.

E, así mesmo, deberá, no momento de interpo-lo recurso, consignar a cantidade de 150,25 euros en concepto de depósito na clave 65 da citada conta e expediente.

Así, por esta miña sentencia, definitivamente xulgando en primeira instancia pronúncioo, mándoo e asínoo».

E para que sirva de notificación á empresa Constructora Exporvey, S.L., que ten o seu enderezo descoñecido, mediante a súa publicación no Diario Oficial de Galicia, expido e asino a presente cédula na Coruña o 28 de xaneiro de 2003.

O secretario xudicial

Rubricado