A Delegación Provincial do Instituto Galego da Vivenda e Solo de Lugo tramitou expediente sancionador 3/2003, seguido de oficio, contra María Paz Souto Fernández, finalizando este trámite con acordo de inicio de expediente sancionador por non dedica-la vivenda de promoción pública adxudicada a domicilio habitual e permanente. Expediente LU-85/100, conta 213.

O citado acordo é do seguinte teor:

Acordo de inicio do expediente sancionador 3/2003.

Vistas as dilixencias seguidas de oficio pola Dirección Xeral do Instituto Galego da Vivenda e Solo en relación coa vivenda de promoción pública construída baixo o expediente LU-85/100, conta 213, adxudicada a María Paz Souto Fernández, rúa Aquilino Iglesia Alvariño, 18-5º A de Lugo e unha vez terminadas estas e logo das actuacións previas practicadas, de acordo cos seguintes:

Feitos.

1. Con data do 28 de outubro de 2002 realízase de oficio visita de inspección á vivenda de refe

rencia, resultando imposible localizar a ninguén nela e constatando indicios de que a adxudicataria non reside de maneira habitual e permanente neste domicilio, segundo se reflicte na correspondente acta de inspección nº 1518/02.

2. Con data do 4 de novembro de 2002 solicitáronse os seguintes certificados:

-Certificado de empadroamento da adxudicataria solicitado ó Concello de Lugo.

-Certificado do consumo de enerxía eléctrica da vivenda solicitado á empresa BEGASA.

-Certificado sobre o consumo real de auga da vivenda solicitado ó Concello de Lugo.

3. En contestación ás anteriores peticións recíbese a seguinte documentación:

-Con data do 29 de novembro de 2002 certificado do Concello de Lugo, segundo o cal resulta que no padrón de habitantes dese concello figura inscrita a titular noutra vivenda distinta á arriba referenciada e nesa non figura ninguén empadroado.

-Con data do 11 de novembro de 2002 certificación do consumo de enerxía eléctrica remitido pola empresa BEGASA indicando que non hai contrato en vigor para o abastecemento de enerxía eléctrica na vivenda.

4. O artigo 5, letra c), da Lei 13/1996, do 30 de decembro, de infraccións en materia de vivenda, dispón que «o non destino das vivendas de protección oficial ou daquelas para as que se recibiu unha axuda da Comunidade Autónoma a domicilio habitual e permanente ou mantelas deshabitadas sen causa xustificada durante un prazo superior a tres meses», constitúe unha infracción grave.

Fundamentos de dereito.

1. É competente para a resolución deste expediente o delegado provincial do Instituto Galego da Vivenda e Solo de Lugo, de acordo co disposto no Decreto 134/1997, do 22 de maio.

2. Ó amparo do disposto no artigo 3.2º do Regulamento do procedemento para o exercicio da potestade sancionadora R.D. 1398/1993, do 4 de agosto, os interesados teñen dereito a formular alegacións e a achegar tódolos documentos que consideren convenientes en calquera momento do procedemento con anterioridade ó trámite de audiencia.

Poderán, así mesmo, recoñecer voluntariamente a súa responsabilidade conforme o establecido no artigo 8 do citado regulamento.

3. En particular, e segundo o artigo 16.1º do Regulamento do procedemento, os interesados dispoñen dun prazo de 15 días contados desde a notificación deste acordo para achega-los os documentos ou informacións que consideren convenientes e propoñer probas, concretando os medios dos que pretendan valerse.

4. Os feitos indicados poden ser constitutivos de infracción administrativa tipificada na letra e, 6 da Lei 13/1996, do 30 de decembro, sobre infraccións en materia de vivenda da que aparece como presunta responsable María Paz Souto Fernández, podendo

corresponderlle unha sanción de 601,02 ata 3.005,06 euros de multa, sen prexuízo do que resulte da tramitación deste procedemento.

5. De acordo co artigo 153 da Lei de réxime xurídico das administracións públicas e do procedemento administrativo común, Lei 30/1992, do 26 de novembro, o presunto responsable ten dereito a coñecer, entre outros puntos, o instructor do procedemento sancionador, dereito que o artigo 13.1º do Regulamento do procedemento estende ó coñecemento do secretario, o seu réxime de recusación é o recollido nos artigos 28 e 29 da dita lei.

Vistos os preceptos sinalados e os demais de aplicación xeral, esta delegación

ACORDA:

1. Incoa-lo procedemento administrativo sancionador contra María Paz Souto Fernández, como presunta responsable dos feitos sinalados.

2. Nomear instructor do expediente a Francisco Centeno Márquez, xefe da Sección de Inspección e Sancións do Instituto Galego da Vivenda e Solo, e como secretario a Jesús Rodríguez Anllo, auxiliar administrativo da Sección de Inspección e Sancións do Instituto Galego da Vivenda e Solo de Lugo.

3. Conceder un prazo de quince días para achegar por parte dos interesados cantas alegacións, documentos e informacións consideren convenientes, e, de se-lo caso, propoñer probas concretando os medios dos que pretendan valerse.

Comuníqueselle este acordo ó órgano instructor con traslado de tódalas actuacións practicadas, e notifíqueselles ós interesados, entendendo en todo caso como tal o inculpado, con mención expresa dos requisitos esixidos polo artigo 58.2º da Lei de réxime xurídico das administracións públicas e do procedemento administrativo común.

Lugo, 13 de xaneiro de 2003.

Antonio Boné Piña

Delegado provincial de Lugo