Antecedentes.
Primeiro.-O Instituto Galego da Vivenda e Solo, en data 14-11-2002, remite o expediente de expro
piación forzosa polo procedemento de taxación conxunta dos bens e dereitos afectados pola execución do Plan parcial do parque empresarial de Salceda de Caselas, de conformidade co disposto polo artigo 145 da Lei 1/1997, do 24 de marzo, do solo de Galicia (LSG).
Segundo.-O Instituto Galego da Vivenda e Solo, mediante Resolución do 30 de xullo de 2002, acordou aprobar inicialmente o proxecto de expropiación polo procedemento de taxación conxunta e sometelo a información pública polo prazo dun mes, anunciándose no xornal Faro de Vigo de data 10 de agosto de 2002 e no DOG de data 6 de agosto de 2002.
Terceiro.-A taxación foi notificada individualmente ós que aparecían como titulares de bens e dereitos no expediente, dándolles traslado literal da correspondente folla de aprecio e da proposta de fixación dos criterios de valoración, para que formularan alegacións no prazo dun mes, contado a partir da data de notificación, tal e como sinala o artigo 145.4º da Lei do solo de Galicia.
Cuarto.-O Instituto Galego da Vivenda e Solo emitiu informe individualizado sobre cada unha das alegacións presentadas polos interesados, de conformidade co artigo 145.6º da Lei do solo de Galicia, e remite o expediente de expropiación forzosa a esta consellería para a súa aprobación definitiva.
Fundamentos xurídicos.
Primeiro.-O proxecto de expropiación forzosa tramitouse polo procedemento de taxación conxunta de conformidade co disposto no artigo 145 da Lei do solo de Galicia.
Segundo.-O proxecto de expropiación abarca a superficie correspondente ó Plan parcial do parque empresarial de Salceda de Caselas, aprobado definitivamente polo Pleno da Corporación con data 21 de febreiro de 2001, no que se determina como sistema de actuación o de expropiación.
En virtude do disposto polos artigos 33 da Lei 6/1998, do 13 de abril, sobre réxime do solo e valoracións, e 54, en relación co 124 e 145 da Lei 1/1997, do 24 de marzo, do solo de Galicia, a dita aprobación implica a declaración de utilidade pública das obras e a necesidade de ocupación dos terreos incluídos no ámbito do plan parcial, resultando lexitimada a expropiación proposta.
Terceiro.-O expediente tramitado conta coa documentación preceptiva esixida polo artigo 145.1º da Lei 1/1997, do solo de Galicia:
Determinación do ámbito territorial, cos documentos que o identifican en canto á situación, superficie e lindeiros.
Fixación dos prezos coa valoración razoada do solo, segundo a súa cualificación urbanística.
Follas de prezo xusto individualizado de cada predio.
Follas de prezo xusto que correspondan a outras indemnizacións, se é o caso.
Cuarto.-Os criterios de valoración fixados no proxecto de expropiación axústanse os establecidos polos artigos 23 e seguintes da Lei 6/1998, sobre réxime do solo e valoracións.
Quinto.-A competencia para aproba-lo expediente de expropiación forzosa polo procedemento de taxación conxunta corresponde, por delegación, ó director xeral de Urbanismo, de acordo co artigo 1 da Orde do 30 de decembro de 1999, do conselleiro de Política Territorial, Obras Públicas e Vivenda (DOG do 10 de xaneiro de 2000), pola que se delegan atribucións en materia de urbanismo.
Na súa virtude, vista a Lei 1/1997, do 24 de marzo, do solo de Galicia, a Lei 6/1998, do 13 de abril, sobre réxime do solo e valoracións, e as demais disposicións aplicables, proponse adopta-la seguinte resolución,
Primeiro.-Aprobar definitivamente o proxecto de expropiación forzosa polo procedemento de taxación conxunta dos bens e dereitos necesarios para a execución do Plan parcial do parque empresarial de Salceda de Caselas, para os efectos previstos polos artigos 145 e 146 da Lei 1/1997, do 24 de marzo, do solo de Galicia, con estimación ou desestimación das alegacións nos termos que aparecen nos informes de contestación a estas que constan no expediente.
Esta aprobación definitiva do expediente implica a declaración de urxencia da ocupación dos bens e dereitos afectados polo proxecto de expropiación de conformidade co establecido no artigo 146.1º da Lei do solo de Galicia.
En consecuencia, o pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación do prezo xusto (artigo 146.2º da Lei do solo de Galicia).
Segundo.-Notifica-lo contido desta resolución aprobatoria do expediente ó Instituto Galego da Vivenda e Solo e de xeito individualizado a tódolos que aparezan como titulares de bens ou dereitos afectados que figuran no expediente, ós que se lles xuntará a correspondente folla de valoración, conferíndolles un prazo de vinte días, contados a partir do día seguinte ó do recibo da presente resolución, para que poidan manifestar por escrito ante esta Dirección Xeral de Urbanismo, a súa desconformidade coa valoración establecida no expediente aprobado, conforme dispón o artigo 145.7º da Lei do solo de Galicia, advertíndolles que transcorrido o citado prazo de vinte días sen que se formule oposición á valoración, entenderase aceptada a que se fixou no acto aprobatorio do expediente, entendéndose determinado o prezo xusto definitivamente e de conformidade co artigo 145.8º da Lei 1/1997, do solo de Galicia.
Terceiro.-Publica-la presente resolución así como o seu anexo detallando a relación dos bens e dereitos afectados pola expropiación, no Diario Oficial de Galicia e no taboleiro de edictos do concello.
Así mesmo, a publicación e exposición no taboleiro de edictos do concello, servirá de notificación ós
propietarios descoñecidos dos que se ignore o lugar de notificación, ou ben, tramitada a notificación, non se puidese realizar. Todo isto, de acordo co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Cuarto.-Igualmente, notificaráselle o contido desta resolución á Fiscalía da Audiencia Provincial, para os efectos establecidos no artigo 5 da Lei de expropiación forzosa, en relación cos propietarios descoñecidos e os non-comparecentes no procedemento expropiatorio.
Contra esta resolución que pon fin á vía administrativa poderase interpoñer recurso potestativo de reposición ante o conselleiro de Política Territorial, Obras Públicas e Vivenda, no prazo dun mes, contado a partir do día seguinte ó da notificación desta resolución (artigo 116 da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro), ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde o día seguinte ó da notificación (artigo 46.1º da Lei 29/1998, da xurisdicción contencioso-administrativa). Para o caso de que se interpoña o recurso potestativo de reposición, ata que sexa resolto expresamente ou se produza a desestimación presunta, non se poderá interpoñe-lo recurso contencioso-administrativo.
Todo isto, sen prexuízo de que, no caso de desconformidade coa valoración establecida, os interesados dispoñen dun prazo de vinte días para manifestala como se indicou no punto 2 desta resolución, nos termos establecidos polo artigo 145.8º da Lei 1/1997, do solo de Galicia.
Santiago de Compostela, 28 de novembro de 2002.
José Jesús Cudeiro Mazaira
Director xeral de Urbanismo
ANEXO
Relación de predios e titulares afectados
Plan Parcial do Parque Empresarial
de Salceda de Caselas
PREDIO Nº SUPERFICIE TITULAR
1 44 Parcial VILA ALONSO EDUARDO
2 47 Parcial LORENZO TOURAN ROBERTO MARIA
3 325 Parcial FERNANDEZ NUÑEZ NATIVIDAD
4 676 HROS. DE CARMEN COTO RODRIGUEZ
5 388 GARRIDO ROSA
6 720 RODRIGUEZ LORENZO MANUEL
7 1.202 NUÑEZ VAQUEIRO Mª DEL CARMEN
8 1.179 GONZALEZ NUÑEZ MARIA MILAGROS
9 350 BLANCO PEREZ JOSE BENEDICTO
10 451 RODRIGUEZ GARCIA PRUDENCIA
11 598 NUÑEZ CABALLERO Mª DEL CARMEN
12 576 MARTINEZ PEREZ Mª CARMEN DELIA
13 542 MARTINEZ PEREZ Mª CARMEN DELIA
14 633 FERNANDEZ NUÑEZ MARIA NATIVIDAD
15 1.104 TALLERES ALTAMIRA (BESADA)
16 315 Parcial PEREZ MARTINEZ JOAQUIN CARLOS
PREDIO Nº SUPERFICIE TITULAR
17 553 RODRIGUEZ VAQUEIRO PEDRO PABLO
18 435 GARCIA MARTINEZ JOAQUINA
19 478 DESCOÑECIDO
20 1.051 CABALLERO ESTEVEZ CAMILO
21 403 LORENZO MARTINEZ JOSE
22 833 RAJO GONZALEZ PERFECTA
23 542 TRONCOSO CABALLERO CARMEN
24 1.088 TRONCOSO CABALLERO JULIO MANUEL
25 1.665 TRONCOSO CABALLERO Mª ALEJANDRINA
26 349 TRONCOSO CABALLERO JULIO MANUEL
27 626 GARCIA DOMINGUEZ JOAQUINA
28 217 DOMINGUEZ LORENZO JOSE
29 624 FERNANDEZ PEREZ AGUSTIN
30 1.403 CABALEIRO RODRIGUEZ AUREA
31 299 PEREZ MARTINEZ JOAQUIN CARLOS
32 1.240 CABALEIRO RODRIGUEZ AUREA
33 217 VAQUEIRO BARGIELA Mª LUCIA
34 211 NUÑEZ VAQUEIRO Mª DEL CARMEN
35 1.527 COMUNIDAD HEREDITARIA DE FRANCISCO CABALEIRO RODRIGUEZ
36 2.368 PEREZ MARTINEZ JOAQUIN CARLOS
37 1.149 DOMINGUEZ RODRIGUEZ MERCEDES
38 305 FERNANDEZ FERNANDEZ FRANCISCO
39 128 MARTINEZ PAZO FLORENCIO
40 159 FERNANDEZ FERNANDEZ FRANCISCO
41 64 RODRIGUEZ GARRIDO MANUEL
42 1.216 HROS. CARMEN COTO RODRIGUEZ
43 493 PEREZ TRONCOSO AMABLE
44 150 FERNANDEZ VAQUEIRO ANA LUCIA
45 1.190 FERNANDEZ PEREZ AGUSTIN
46 1.215 NUÑEZ CABALLERO ROGELIO
47 441 COTO PEREZ SANTOS
48 478 GARCIA MARTINEZ JOAQUINA
49 639 HROS. CARMEN COTO RODRIGUEZ
50 2.654 TALLERES ALTAMIRA
51 216 PARAJE GONZALEZ ANA
52 364 ALVAREZ PEREZ ISABEL
53 356 ANTAS GONZALEZ PILAR
54 297 PEREZ ALFONSO
55 390 MARTINEZ PAZO FLORENCIO
56 286 FERNANDEZ MARTINEZ PRIMITIVA
57 411 SANJUAN CASALES ANTONIO
58 558 COTO PEREZ SANTOS
59 295 CERQUEIRA ESTEVEZ OTILIA
60 492 RODRIGUEZ ESTEVEZ MANUEL
61 235 PEREZ MARTINEZ JOAQUIN CARLOS
62 250 ANTAS GONZALEZ PILAR
63 1.529 RODRIGUEZ ESTEVEZ MANUEL
64 1.044 TALLERES DE PIEDRA ALTAMIRA, S.L.
65 612 NUÑEZ FERNANDEZ Mª ESTER
66 601 FERNANDEZ NUÑEZ Mª VICTORIA
67 722 HROS. COTO RODRIGUEZ JOSE AMADEO
68 530 VILA ALONSO INOCENCIA
69 2.498 TALLERES ALTAMIRA
70 1.006 RODRIGUEZ ESTEVEZ MANUEL
71 6.130 HROS. NAVAL MONTOTO DE FLORENCIA