Juan Rey Pita, secretario do Xulgado do Social número tres da Coruña, dou fe e certifico que neste xulgado séguense autos nº 774/2002 seguidos por instancia de Ramiro Fernández Rivera contra á empresa Import Leman, S.L. sobre despedimento, nos que recaeu sentencia en data 14 de xaneiro de 2003 que copiada nos particulares necesarios di así:

Que estimando a demanda formulada por Ramiro Fernández Rivera, declaro a improcedencia do seu despedimento e condeno a empresa Import Leman, S.L. a que á súa elección, para efectuar no prazo de cinco días, a readmita no seu posto e condicións de traballo ou o indemnice coa cantidade de 4.906,93 euros, así como o aboarlle en concepto de salarios de tramitación para o suposto de readmisión a cantidade de 4.180,14 euros.

Notifíquese a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte o da súa notificación.

Previndo a empresa demandada de que para recorrer deberá acreditar ter ingresado na c/c de

consignacións código 5604.0000.60 774-2002 de Banesto desta cidade denominada Conta do Xulgado do Social número tres o importe da condena e 150,25 euros en concepto de depósito, sen os cales requisitos non será admitido a trámite o recurso quedando firme a sentencia.

Así mesmo advírteselle á parte demandada que se fai uso de tal dereito, optando pola readmisión, durante a sustanciación do procedemento deberá aboar á parte demandante o mesmo salario que percibiría, estando obrigada esta a presta-los seus servicios á demandada, a menos que a mesma prefira facer uso de tal aboamento sen percibir compensación ningunha por parte da demandante.

Así por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.

E para que conste, para efectos da súa publicación no Diario Oficial de Galicia a fin de que sirva de notificación en forma á empresa Import Leman, S.L., expido e asino a presente cédula na Coruña, 14 de xaneiro de 2003.

O secretario xudicial

Rubricado