Pola Orde do 30 de xullo de 2001 (DOG nº 160, do 20 de agosto) convocouse o proceso selectivo para o acceso á categoría 63 do grupo III (oficial 1ª conductor e outras) da Xunta de Galicia, sendo elevada a definitiva a proposta de aspirantes que superaron este proceso mediante a Orde do 27 de novembro de 2002 (DOG nº 235, do 5 de decembro).

Verificados os requisitos esixidos nas bases da convocatoria e realizado o acto de petición previsto na Orde do 24 de xaneiro de 2003 (DOG nº 18, do 28 de xaneiro), esta consellería, de acordo co previsto no IV convenio colectivo único para o persoal laboral da Xunta de Galicia

DISPÓN:

Primeiro.-Nomear persoal laboral fixo da Xunta de Galicia os aspirantes aprobados que se relacionan no anexo I, ordenados de acordo coa puntuación

final obtida, e adxudicándolles como destinos definitivos os que figuran no anexo II.

Segundo.-Para adquiri-la condición de persoal laboral fixo, as persoas ás que se refire o anexo I deberán tomar posesión do correspondente posto de traballo (anexo II) no prazo dun mes, previsto no artigo 13 do IV convenio colectivo único para o persoal laboral da Xunta de Galicia.

Terceiro.-O prazo de toma de posesión comezará a computarse a partir do día seguinte ó da publicación desta orde no Diario Oficial de Galicia.

Cuarto.-Contra esta orde, que pon fin á vía administrativa, pódese interpoñer, con carácter potestativo, recurso de reposición ante o conselleiro da Presidencia, Relacións Institucionais e Administración Pública, no prazo dun mes, contado desde o día seguinte ó da publicación desta orde, ou directamente recurso contencioso-administrativo, no prazo de dous meses contados desde o día seguinte ó da súa publicación, perante o Xulgado do Contencioso-Administrativo de Santiago de Compostela, conforme os artigos 8, 14 e 46 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 4 de febreiro de 2003.

Jaime Pita Varela

Conselleiro da Presidencia, Relacións Institucionais

e Administración Pública

ANEXO I

Grupo III. Categoría 063. Oficial 1ª conductor e outros

Promoción interna.

Grupo III. Categoría 063. Oficial 1ª conductor e outros

Acceso libre.

ANEXO II