Visto o texto do convenio colectivo para a empresa Unión Cristalera Portaglás, S.L., para o seu centro de traballo de Vigo, con nº de código 3601421, que tivo entrada nesta delegación provincial o día 2-12-2002, subscrito en representación da parte económica pola representación da empresa, e da parte social, polos delegados de persoal, en data 18-11-2002. De conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 4 de decembro de 2002.

Antonio Coello Bufill

Delegado provincial de Pontevedra

Convenio colectivo da empresa

Unión Cristalera Portaglás, S.L. (Vigo)

(anos 2002-2003-2004)

Capítulo I

Disposicións xerais

Sección primeira

Obxecto

Artigo 1º

O presente convenio ten por obxecto rexe-las condicións de traballo entre a empresa Unión Cristalera Portaglás, S.L. e o persoal incluído no ámbito desta, de acordo co disposto no artigo seguinte.

Sección segunda

Ámbito de aplicación

Artigo 2º.-Persoal.

O presente convenio afecta a tódolos traballadores que prestan servicios en Unión Cristalera, S.A. con exclusión do persoal pertencente ás categorías denominadas cadro e EAP.

Artigo 3º.-Territorial.

As normas deste convenio serán de aplicación en tódolos centros de traballo que na actualidade ten Unión Cristalera Portaglás, S.L. en Vigo.

Artigo 4º.-Temporal.

O presente convenio terá unha duración de 3 anos, comezando a súa vixencia, para tódolos efectos, o día 1 de xaneiro de 2001 e rematando o día 31 de decembro de 2004.

O primeiro de xaneiro do ano 2005 considérase expresamente denunciado o presente convenio, aínda cando non houbese comunicación escrita entre as partes, comezando a continuación as deliberacións dun novo convenio. Igualmente se entenderá prorrogado o presente convenio mentres non se aprobe un novo acordo.

Sección terceira

Compensación, absorción e vinculación

á totalidade

Artigo 5º.-Absorción e compensación.

No suposto de que durante o prazo de vixencia deste convenio se acordasen, por disposición legal, condicións que total ou parcialmente afectasen as contidas nel, aplicaranse, en canto a absorción e compensación, as normas de carácter xeral actualmente vixentes, ou as que se dicten no sucesivo, efectuándose en calquera caso o cómputo global anual para determina-las absorcións e compensacións que procedan.

Artigo 6º.-Garantía persoal.

No caso de existir algún traballador ou grupos de traballadores que tivesen recoñecidas condicións tales que, examinadas no seu conxunto, resultasen superiores ás que para o persoal desta categoría profesional se establecen neste convenio, respectaranse as ditas condicións con carácter estrictamente persoal e soamente para aqueles a quen persoalmente afecten.

Artigo 7º.-Vinculación á totalidade.

Ámbalas partes conveñen expresamente en que as normas fixadas no presente convenio serán aplicables

mentres teñan vixencia todas e cada unha delas, sen prexuízo do establecido en canto a revisión das condicións económicas.

Se algunha ou algunha das normas pactadas fosen alteradas por disposicións legais, ou, ó ser rexistrado o convenio pola autoridade laboral, considerarase causa de revisión, a menos que as partes, de común acordo, renuncien expresamente á dita revisión.

Non se considerará alteración incluída para os efectos do establecido no parágrafo precedente, o establecemento de novos salarios mínimos legais, na aplicación dos cales rexerá o que dispoña a norma legal correspondente, en canto ós mecanismos de absorción e compensación, ou ó xa sinalado no artigo 5º do convenio, se houbese disposición específica.

Artigo 8º.-Dereito supletorio.

Ámbalas partes acordan, como dereito supletorio, para evitar baleiros normativos, remitirse ó disposto no convenio nacional do vidro e cerámica para aquelas cuestións non reguladas neste convenio, ou no Estatuto dos traballadores e demais disposicións de carácter xeral.

Sección cuarta

Comisión paritaria

Artigo 9º.-Constitución.

Queda constituída a comisión paritaria do convenio, como órgano de interpretación, conciliación, arbitraxe e vixilancia do seu cumprimento.

Artigo 10º.-Composición.

A comisión estará composta por 2 representantes da empresa e 2 representantes dos traballadores, por cada unha das partes asinantes do presente convenio, que asumirán as condicións de vixilancia deste.

Artigo 11º.-Designación e substitución de vocais.

Os vocais da comisión, nomeados por cada unha das representacións, serán designados no punto acta final.

As substitucións produciranse, por decisión de cada representación no seu ámbito, informando a outra representación, cando aquelas se leven a efecto.

Artigo 12º.-Reunións e acordos.

A comisión paritaria reunirase unha vez cada trimestre e excepcionalmente se fose necesario por solicitude dunha das partes, por escrito e sinalando os puntos que hai que tratar.

A fixación da data da reunión efectuarase dentro dos 15 días naturais contados a partir da data do xustificante de recepción da parte receptora da petición.

Os acordos da comisión paritaria quedarán recollidos nunha acta e terán carácter vinculante. No caso de desacordo, recolleranse, así mesmo en acta, os termos e posicións das partes, usando estas das atribucións que crean que os asiste en dereito.

Capítulo II

Organización do traballo

Sección primeira

Organización

Artigo 13º.-Facultade de organización.

A organización do traballo é facultade da dirección da empresa, con suxeición ó disposto na lexislación

vixente. A este respecto, a dirección levará a cabo diversas accións, asegurando a información e participación dos traballadores e dos representantes dos traballadores, co obxectivo de obte-los mellores niveis de calidade, productividade, seguridade e saúde laboral, mediante a utilización máis adecuada dos recursos.

Artigo 14º.-Contratación.

As modalidades de contratación básicas, para persoal de novo ingreso, serán as que legalmente se establezan, adecuándose á necesidade que o xustifique, informando previamente os representantes dos traballadores.

A modalidade de contratos de posta á disposición realizarase para resolver necesidades conxunturais e nos termos que legalmente están definidos e coas condicións xerais establecidas legalmente en cada momento.

Artigo 15º.-Traballos de categoría superior e inferior.

a) Traballos de categoría superior.

Nos casos de perentoria necesidade e por prazo que non exceda de tres meses, o persoal incluído no ámbito deste convenio poderá ser destinado a ocupar un posto de cualificación superior, percibindo, mentres se atope nesta situación, a remuneración correspondente á función que efectivamente desempeña. Este cambio será comunidado ó traballador por escrito.

Desaparecidas as causas que motivaron a necesidade, o traballador volverá ó seu posto de orixe coa atribución asignada a el e sen dereito a consolida-la categoría do posto que ocupou transitoriamente, facéndoo constar no seu expediente persoal.

Se o prazo de ocupación do posto de superior categoría excedese de tres meses de forma ininterrompida, de seis meses de forma alterna durante un ano, ou de doce tamén de forma alterna durante tres anos, adquirirase automaticamente a categoría do posto superior desempeñado.

O disposto neste artigo non será de aplicación nos casos de substitución por incapacidade laboral transitoria, permisos ou vacacións. Nestes últimos supostos, a substitución comprenderá todo o tempo que duren as circunstancias que a motivasen, sen que outorgue dereito á consolidación do posto, pero si á percepción da diferencia económica e a que iso conste no expediente persoal.

Exceptúanse de todo o anteriormente disposto os traballos de categoría superior que o traballador realice, de acordo coa empresa, a fin de se preparar para a súa promoción ou ascenso. Igualmente exceptúanse os casos de substitución por servicio militar e excedencia forzosa, pero nestes casos, adquirirase prioridade absoluta para cubri-la primeira vacante da categoría en que se exerceu a substitución.

b) Traballos de categoría inferior.

A empresa, por necesidades perentorias, transitorias ou imprevisibles, poderá destinar un traballador a realizar misións de cualificación interior á que teña recoñecida e este non poderá negarse a efectua-lo traballo encomendado, sempre que iso non prexudique noto

riamente a súa formación profesional e non haxa outra persoa de categoría correspondente ó traballo a realizar. O traballador seguirá percibindo o salario e demais emolumentos que, pola súa cualificación e función anterior lle corresponda, de conformidade co disposto no punto anterior (a).

Artigo 16º.-Traslados.

En caso de traslado dun traballador a outro centro de traballo que supoña cambio de residencia, precisarase a previa negociación e voluntaria aceptación do traballador afectado, baixo a supervisión dos representantes dos traballadores, se así o solicita o interesado.

Artigo 17º.-Readmisión de despedidos.

A empresa comprométese a readmitir, con tódolos seus dereitos, os traballadores sobre os que recaia sentencia de despedimento improcedente ou nulo, salvo que existan razóns abondas a xuízo da dirección e dos representantes dos traballadores.

Informaranse os representantes dos traballadores das sancións que se poidan impor ó persoal incluído neste convenio.

Capítulo III

Formación

Artigo 18º.-Formación.

Ámbalas representacións consideran totalmente necesaria a formación e o perfeccionamento profesional de todo o persoal da empresa para a adaptación ás innovacións tecnolóxicas, mantemento da competencia profesional e persoal, e por iso, acordan:

A dirección presentará os representantes dos traballadores, o plan de formación para realizar, no cal constarán as necesidades de formación requiridas, baseándose nos diagnósticos e necesidades realizados polos xefes de áreas de traballo e pola propia dirección, tendo en conta as suxestións que poidan ser achegadas polos representantes dos traballadores e relacionados coas nosas actividades.

Anualmente, presentaráselles ós representantes dos traballadores, os resultados e información sobre a realización das accións de formación, incidencias, etc., para análise conxunta.

As accións de formación serán programadas preferentemente, se for posible, durante o tempo de traballo.

A asistencia a accións de formación, programadas pola dirección, que impliquen unha relación directa co correcto desenvolvemento das diferentes actividades, para a aplicación de procedementos de calidade ou para a recepción e coñecementos de normas ou medidas de prevención de riscos, será necesario que o traballador as realice, para asegura-lo correcto desenvolvemento das súas funcións e a actualización naquela formación.

Procurarase a asistencia de todos aqueles traballadores que, tendo interese en participar en determinados cursos, reúnan os coñecementos básicos requiridos para inicialos.

A contribución ó propio perfeccionamento mediante a asistencia a accións de formación dentro das horas

de traballo, será por conta da empresa. Polas realizadas despois da xornada, o traballador percibirá como complemento de axuda á formación, a cantidade que figura no anexo I.

As accións de formación baseadas en peticións persoais, se se consideran de interese para a empresa, serán tratadas segundo o establecido nas normas de axuda a estudios para o persoal.

Os gastos de formación (profesorado, material, viaxes e estadías), serán financiados pola empresa con cargo ó seu orzamento de formación. A empresa poderá solicitar axudas para a formación; neses casos, os representantes dos traballadores emitirán informe favorable, cando o procedemento así o requira.

Capítulo IV

Sección primeira

Xornada de traballo

Artigo 19º.-Xornada actual e traballo efectivo.

A xornada de traballo, durante os anos 2002, 2003 e 2004, para todo o persoal incluído no ámbito deste convenio, será de 1.770 horas anuais de traballo efectivo en 2002, de 1.766 horas ó ano en 2003 e de 1.762 horas ó ano en 2004.

Enténdese por traballo efectivo as horas de presencia e actividade no lugar de traballo, provistos da roupa de seguridade, sen que as liñas de producción sexan paradas para efectuar cambios de quenda. Non serán computados como de traballo efectivo os períodos de vacacións.

Artigo 20º.-Modalidades de horario.

Respectando o cómputo de número total de horas de traballo efectivo anual, a dirección de cada centro, cos representantes dos traballadores, establecerá os horarios nos que se recolla a distribución das horas anuais, segundo sexa a xornada normal ou a quendas.

Aceptado el principio de fixación de xornada continuada e durante os períodos en que se realice esta, a dirección da sociedade, logo de acordo cos representantes dos traballadores determinará aqueles servicios nos que excepcionalmente non se poida realizar tal xornada.

-Xornada normal:

O persoal que non traballa a quendas traballará de luns a venres en xornada partida, distribuíndose esta de modo que se asegure a máis eficaz atención ós clientes.

Na adaptación do horario tívose en conta o período de xornada continuada, de dous meses e medio, orientativamente entre o 15 de xuño e o 31 de agosto, durante 2002 e 2003. No ano 2004 esta xornada continuada será de dous meses, os comprendidos entre o 1 de xullo e o 31 de agosto, mantendo a distribución horaria diaria actual nesta xornada.

Os colocadores que realicen o seu traballo en obras adaptarán o seu horario en operacións concretas que así o requiran, o mesmo na xornada de verán que na do resto do ano. Os vendedores, durante a xornada

continuada, adaptarán o seu horario á especial xestión que teñen encomendada, cando esta así o requira.

-Quendas:

Para o persoal que traballe a quendas establecerase cada ano o calendario, conxuntamente cos delegados de persoal, tendo en conta o modelo base presentado pola dirección, as peculiaridades do centro e a marcha prevista das instalacións. Fíxase un descanso de quince minutos, que se computará como tempo de traballo efectivo e que se desfrutará de forma gradual nas dúas e media horas centrais.

Este persoal continuará prestando servicio en quendas de oito horas diarias de duración, de acordo coa distribución que resulte do calendario de quendas que se acorde. Por necesidades conxunturais de cumprimento de pedidos, consolidación carteira e atención a clientes, a dirección poderá establecer unha ampliación de quendas de luns a venres, informando os delegados de persoal e con avisos de 48 horas mínimo ós traballadores afectados. Primeiro resolverase con voluntarios e se non houber, rotativamente.

Cando un traballador xornada normal pase temporalmente a substituír a outro traballador a quendas, ou viceversa, regularizarase a diferencia de horas de traballo que se poida producir.

Sección segunda

Vacacións

Artigo 21º.-Vacacións.

O período de vacacións anuais para todo o persoal afectado polo convenio será de 23 días laborables.

A consideración de día laborable virá determinada polo calendario que para cada modalidade de horario se establecese previamente, calquera que sexa o número de horas/día que o integren.

Sempre que o permitan as necesidades do servicio, o traballador poderá fracciona-las súas vacacións tantas veces como desexe.

O persoal de novo ingreso desfrutará antes do 31 de decembro do ano do seu ingreso, da parte proporcional que lle corresponda, polos meses comprendidos entre a data do seu ingreso e o 31 de decembro, computándose a fracción de mes como mes completo.

En cada centro de traballo, a dirección del exporá no taboleiro de anuncios, antes do día 30 de abril, o programa de vacacións para desfrutar por tódolos traballadores. O dito programa confeccionarase de común acordo, entre a dirección do centro e os representantes dos traballadores. Se algún traballador, por circunstancias especiais, propuxese unha variación dentro da programación que o afecta, a dirección trataría de resolve-la necesidade satisfactoriamente, coa menor repercusión para o conxunto.

Establécese como período preferente para o desfrute das vacacións, o comprendido entre o 15 de xuño e o 14 de setembro.

As persoas afectadas polo presente convenio poderán ter dous días máis de vacacións ó ano, se desfrutasen o 50% ou máis da totalidade que lle corresponde ó

ano, fóra do período preferente indicado anteriormente, por necesidades do traballo sinalado pola dirección.

No caso de que un traballador, estando de vacacións sexa dado de baixa por IT, non lle será computado, para os efectos de vacacións, o tempo que permaneza nesta situación, continuando aquelas ó ser dado de alta, sempre dentro do ano natural e de acordo coas necesidades de programación do traballo e cumprimento do programa xeral de vacacións no centro de traballo ó que pertence.

Artigo 22º.-Permisos retribuídos.

A empresa concederalle ó persoal, logo de aviso e xustificación, permiso con soldo e sen descontalo das súas vacacións regulamentarias, nos casos seguintes:

1. Matrimonio: 16 días naturais.

2. Parto de esposa ou compañeira: 3 días laborables, segundo calendario laboral.

3. Enfermidade grave ou falecemento do cónxuxe, compañeira ou compañeiro, de fillos, pais, avós, irmáns e netos, tanto consanguíneos como afíns: 3 días naturais. Cando con tal motivo, o traballador necesite facer un desprazamento para o efecto, o prazo será de cinco días.

4. Cumprimento de deberes públicos inescusables, xustificando a causa que os orixina. Entenderase que son deberes públicos inescusables aqueles que deriven de mandato de autoridade, que fagan imprescindible acudir a unha citación.

5. Os delegados do persoal terán dereito ás dispoñibilidades horarias reguladas para exerce-la súa función como representantes dos traballadores, nas condicións establecidas polas disposicións legais.

6. Por falecemento de parentes consanguíneos de 3º e 4º grao, a empresa concederá permiso polo tempo imprescindible para acudir ó enterro, sempre e cando sexa na cidade onde reside o traballador.

Capítulo V

Estructura da remuneración

Artigo 23º.-Disposicións xerais.

Establécense as seguintes definicións sobre a estructura de remuneración que se fixan no presente artigo.

1. As retribucións que se fixan no presente convenio son todas elas brutas.

2. Aqueles traballadores que o soliciten poderán cobrar anticipos semanais de ata un 90% do salario devengado nesa semana.

3. A clasificación do persoal afectado polo presente convenio colectivo recolle os grupos e categorías profesionais que seguidamente se detallan:

Técnicos e administrativos:

-Aux. administrativo.

-Oficial de 2ª.

-Oficial de 1ª.

-Xefe de 2ª.

-Xefe de 1ª.

Operarios:

-Peón ordinario.

-Peón especialista.

-Oficial de 3ª.

-Oficial de 2ª.

-Oficial de 1ª.

-Capataz.

Artigo 24º.-Conceptos remuneración.

A remuneración do persoal afectado polo presente convenio está integrada polos conceptos de:

-Salario convenio.

-Complementos:

Complemento persoal.

Complemento quenda hora noite.

Complementos indemnización gastos cambio xornada.

-Variable anual por R. explotación /PNV (anexo II/1).

-Variable anula por índices cumprimento e seguridade (anexo II/2).

Tódolos traballadores incluídos neste convenio percibirán os salarios que devenguen por períodos mensuais.

O pagamento destes efectuarase o derradeiro día laborable do mes, a través de entidades de crédito.

Para poder confecciona-la nómina, dentro da data sinalada, os conceptos retribuídos variables computaranse do 16 do mes anterior ó 15 do mes actual, aboándose completos os conceptos fixos e regularizándose ó mes seguinte as diferencias que poidan xurdir desde o día 16 a finais do mes, como consecuencia de ausencias, baixas por enfermidade, accidente, etc.

Artigo 25º.-Retribución salarial mensual.

Os importes para cada unha das categorías son os que figuran no anexo I.

Artigo 26º.-Gratificacións regulamentarias.

As gratificacións regulamentarias de xuño e Nadal aboaranse a razón das cantidades que para cada categoría profesional se sinalan no anexo I, incrementadas coas cantidades que puidesen corresponder por complemento persoal, complemento indemnización gastos cambio xornada, complemento persoal e outras que, a título persoal, puidese ter o traballador.

O ano enténdese dividido en dous semestres naturais. Ó primeiro correspóndelle a gratificación de xuño e ó segundo a de Nadal. Os traballadores que causen baixa ou alta na empresa durante o ano percibirán a parte proporcional correspondente ó tempo efectivamente traballado durante o semestre que se considera.

As gratificacións aboaranse como datas máximas o 30 de xuño e o 20 de decembro, respectivamente.

Artigo 27º.-Complementos persoais.

1. Complemento persoal.

Este complemento persoal, non absorbible nin compensable, que se percibirá en 14 pagas mensuais, será actualizado cada ano en función do incremento que experimenten as táboas salariais.

2. Plus persoal.

O persoal que teña asignadas cantidades por este concepto percibiraas a título persoal, incrementándose segundo o que en cada convenio colectivo se acorde para o mesmo, e será absorbido, total ou parcialmente, con ocasión dos cambios de categoría que o afecten. Devengarase en 14 pagas.

3. Complemento indemnización gastos cambio xornada.

Mantense, para o persoal que o teña establecido, unha indemnización anual do importe que se recolle no anexo I e que se devengará en doce mensualidades. Calquera persoa contratada con posterioridade ó 31-12-1983 non terá dereito a esta indemnización.

Artigo 28º.-Horas extraordinarias.

Ámbalas partes acordan a conveniencia de reducir ó mínimo indispensable as horas extraordinarias de acordo cos seguintes criterios:

1. Realización das esixidas para reparar sinistros ou danos extraordinarios.

2. As necesarias para cubrir circunstancias de carácter estructural derivadas da natureza da actividade de que se trate; de conformidade co disposto no Real decreto 46/1984 e disposicións complementarias sobre cotización ou as que poidan promulgarse en relación con este tema.

3. A presentación da hora extraordinaria será retribuída co importe pesetas brutas hora, recollidas no anexo I, calquera que sexa a categoría que teña quen a realice.

4. A hora extraordinaria, tamén se poderá compensar por un tempo equivalente de descanso, en lugar de ser retribuída economicamente; nese caso, poranse de acordo a dirección e o traballador respecto ó número delas para compensa-la data do descanso que, en ningún caso se poderá engadir ó período de vacacións pactado.

4. No suposto de que o valor pactado sexa inferior ó que correspondería legalmente, a diferencia está compensada no salario global anual.

Artigo 29º.-Complemento hora noite quendas.

Establécense as cantidades por hora traballada durante quendas de noite (de 22 a 6 horas) que figuran no anexo I.

Artigo 30º.-Retribución de vacacións.

O importe para percibir durante o período de desfrute de vacacións, será da mesma contía que se estivese en activo, con exclusión do valor de horas extraordinarias, obra feita, gratificacións regulamentarias, complemento hora noite quendas e complemento de transporte, se o tiver.

Artigo 31º.-Cota sindical.

Por requirimento dos traballadores afiliados ás centrais ou sindicatos que teñan a representación a que se refire este punto, os centros descontarán na nómina mensual dos traballadores o importe da cota sindical correspondente. O traballador interesado na realización de tal operación, remitirá á dirección da empresa un escrito no que se expresará con claridade a orde de desconto, a central ou sindicato a que pertence, a contía da cota, así como o número da conta corrente ou libreta de aforro a que deba ser transferida a correspondente cantidade. A empresa efectuará as anteditas detraccións, salvo indicación en contrario. A dirección da empresa entregará copia da transferencia á representación sindical na empresa se a houbese.

Capítulo VI

Incrementos salariais e cláusulas de revisión

-Condicións de aplicación para 2002.

En 2002, serán aplicados, segundo se indica nos puntos e artigos correspondentes, os valores que figuran no texto e anexos, consecuencia dos acordos alcanzados para a sinatura do convenio.

Efectuarase a revisión do salario convenio (anexo I), do complemento indemnización gastos cambio xornada e do complemento persoal, con carácter retroactivo desde o 1-1-2002 pola diferencia entre o IPC real de 2002 e o IPC previsto para este ano. A diferencia será aboada no mes de xaneiro de 2003 e revisión das táboas na diferencia positiva ou negativa entre o IPC real e o IPC previsto de 2002, antes da aplicación do incremento para o ano 2003.

-Condicións de aplicación para 2003.

Aplicación IPC previsto polo Goberno para o ano 2003 ós conceptos contidos no anexo I deste convenio e ó complemento persoal.

Efectuarase a revisión do salario convenio (anexo I), do complemento indemnización gastos cambio xornada e do complemento persoal con carácter retroactivo desde o 1-1-2003 pola diferencia entre o IPC real de 2003 e o IPC previsto para este ano. Aboamento da diferencia no mes de xaneiro do ano 2004 e a revisión das táboas na diferencia tanto positiva como negativa entre o IPC real e o IPC previsto de 2003, antes da aplicación incremento para o ano 2004.

-Condicións de aplicación para 2004.

Aplicación IPC previsto polo Goberno para o ano 2004, ós conceptos contidos no anexo I deste convenio e ó complemento persoal.

Efectuarase a revisión do salario convenio (anexo I), do complemento indemnización gastos cambio xornada e do complemento persoal, con carácter retroactivo desde 1-1-2004 pola diferencia entre o IPC real de 2004 e o IPC previsto para este ano. Aboamento da diferencia no mes de xaneiro do ano 2005 e revisión das táboas na diferencia tanto positiva como negativa entre o IPC real e o IPC previsto de 2004.

Prestacións sociais

1. Incapacidade temporal.

Cando un traballador sexa dado de baixa, como consecuencia de enfermidade común ou accidente non laboral pola Seguridade Social, logo da confirmación desta baixa polo médico da empresa, aboarase un complemento tal que, sumado coas prestacións que para estas continxencias outorga a Seguridade Social, lle garanta ó traballador do 90% do salario mensual que figura na columna que lle sexa aplicable do anexo I máis o complemento absorbible, se o tivese.

Todo iso, a partir do décimo sexto día consecutivo da baixa.

A empresa concederá un complemento que, sumado á indemnización legal por enfermidade, aboada pola Seguridade Social, lle garanta ó traballador enfermo a percepción do 100% da suma do salario convenio máis o complemento persoal, no caso de internamento en centros hospitalarios e mentres dure este, logo de xustificación do dito internamento, así como o tempo mínimo de recuperación, que como consecuencia do internamento, certifique o médico especialista correspondente e soamente durante este tempo mínimo.

No suposto de que a baixa sexa debida a accidente laboral, o complemento que se aboará garantirá a percepción do 100%, a partir do primeiro día de baixa e afectará ós conceptos retributivos arriba indicados. Nas gratificacións regulamentarias percibirase o 90% do importe destas, na data do seu vencemento, nos casos de enfermidade común ou accidente non laboral, e do 100% cando se trate de accidente laboral.

2. Axuda de estudios.

Acórdase establecer unha cantidade bruta anual, durante a vixencia deste convenio, que se destinará a axuda de estudios dos fillos do persoal desta empresa. Do importe da axuda de estudios deducirase o IRPF que corresponda en cada caso. O importe figura no anexo I do convenio.

O reparto desta axuda farase conforme as normas que se xuntan como anexo III ó presente convenio.

3. Seguro de vida e invalidez.

Establécese un seguro de vida e invalidez, para os traballadores ós que afecta o presente convenio, de acordo coas normas que se detallan a continuación:

O seguro de vida que a empresa estableceu ten por obxecto garantirlles un capital ós traballadores que cumpran as condicións máis adiante citadas:

a) Ben, no caso de falecemento.

b) Ou ben, no caso de invalidez permanente absoluta.

O capital aboaráselles ós beneficiarios designados polo asegurado, no caso de falecemento deste, ou ó propio asegurado, no caso de invalidez permanente absoluta, axustándose ó disposto na orde ministerial do 12-8-1981 (BOE do 5 de setembro).

* Traballadores asegurados.

Beneficiaranse das garantías establecidas:

1. Os traballadores de alta na empresa, en activo ou en situación de proposta de invalidez, ata que remate a anualidade na que cumpran os 65 anos.

2. Os traballadores no cadro de persoal, xubilados anticipadamente, entre os sesenta e sesenta e cinco anos de idade, ata que remate a anualidade en que cumpran sesenta e cinco anos.

3. Os traballadores en cadro de persoal que, de común acordo coa empresa, ó cumpri-los sesenta e cinco anos, sigan en activo, terán garantido o risco de falecemento, como máximo, ata o 31 de decembro do ano correspondente ó setenta aniversario de cada segurado.

* Traballadores excluídos das garantías.

Traballadores que estean cumprindo o servicio militar ou en situación de excedencia.

* Duración das garantías.

a) Comenzo das garantías:

As garantías tomarán efecto:

-A partir da data de comezo do prazo de duración deste convenio colectivo, para os traballadores que se atopen no cadro de persoal na citada data.

-A partir do primeiro día do mes seguinte de ser dado de alta na empresa.

b) Cesamento das garantías.

O mesmo día do cesamento para os asegurados que causen baixa temporal (licencias ou excedencias) ou definitiva na empresa, salvo no caso previsto no número 2 do punto traballadores asegurados.

* Capital asegurado.

O importe do capital garantido para cada asegurado é igual ó producto do capital base polo coeficiente familiar.

O capital base, é o que se recolle no anexo I.

* Coeficiente familiar.

Segundo a situación familiar dos asegurados, establécense os seguintes coeficientes que se aplicarán sobre o capital base que corresponda segundo a súa categoría:

-Persoal interino, eventual ou en período de proba: 100%.

-Para asegurados solteiros ou viúvos sen fillos: 100%.

-Para asegurados casados: 120%.

-Para asegurados viúvos ou solteiros con fillos menores de 18 anos ou maiores incapacitados: 120%.

-Por cada fillo menor de 18 anos ou maior incapacitado, incrementarase o capital base en: 20%.

* Riscos garantidos.

Garántense tódolos casos de falecemento, baixo as únicas reservas seguintes:

-A garantía só ten efecto no caso de suicidio dun asegurado, cando se produza, polo menos, dous anos despois da súa entrada no seguro.

-Non está garantido o risco de morte a consecuencia de viaxes en avión, non efectuados en liñas comerciais aéreas de transporte común, estradas de automóbiles e de calquera outro vehículo de motor. Respecto á cobertura do risco de invalidez permanente absoluta, os riscos excluídos son os sinalados na orde do Ministerio de Facenda, do 12 de agosto de 1981.

* Beneficiarios.

Os beneficiarios serán os seguintes:

O cónxuxe supervivente; no seu defecto, os fillos do matrimonio; a falta destes, o pai e a nai ou, o supervivente de ámbolos dous. En defecto das persoas antes indicadas, os habentes dereito lexítimos do traballador.

De forma excepcional e cando exista unha causa que o xustifique, poderá establecerse unha atribución beneficiaria distinta, pero estas excepcións deberán ser comunicadas expresamente para cada caso particular. Nestes casos, o interesado cubrirá e entregaralle á empresa a solicitude de cambio de beneficiario.

* Disposicións varias.

No caso de invalidez permanente absoluta, aboarase o capital garantido cando ó asegurado lle sobreveña unha incapacidade física ou mental que o deixe, antes da idade de sensenta e cinco anos, na imposibilidade permanente definitiva de exercer calquera traballo remunerado. Desde a mesma data que se aboase o capital estipulado, o asegurado deixará de estar garantido para o caso de falecemento.

4. Xubilación.

Institúese un premio de xubilación, que o traballador percibirá dunha soa vez no momento de producirse aquela, consistente no importe dunha mensualidade de salario de convenio máis o complemento persoal, se o tiver, para aqueles traballadores con máis de dez anos de antigüidade e de dúas mensualidades de salario convenio máis complemento persoal, se o tiver, para os que no momento da xubilación, tivesen máis de 20 anos de antigüidade.

5. Disposición derradeira.

A comisión deliberadora fai constar expresamente que o conxunto de normas contidas neste convenio colectivo substitúe integramente a aquelas polas que se viña rexendo en tódolos seus aspectos a relación laboral do persoal a quen afecta, incluído no presente convenio colectivo, acordado entre Unión Cristalera Portaglás, S.L. e o seu persoal do centro de Vigo.

ANEXO I

Retribución salario convenio persoal empregado (ano 2002)

Categorías	Retribución salarial mes	Retribución salarial 12 meses	Gratificacións reglamentarias 2 meses	Total anual

Xefe de 1ª	1.165,3108	13.983,7300	2.330,6217	16.314,3517
Xefe de 2ª	1.100,3388	12.204,0660	2.200,6777	15.404,7436
Oficial de 1ª	1.026,8836	12.322,6031	2.053,7672	14.376,3702
Del. 2ª/viaxante	974,3834	11.692,6007	1.948,7668	13.641,3674
Oficial de 2ª	918,2528	1.019,0332	1.836,5055	12.855,5387
Aux. administ.	870,7739	10.449,2873	1.741,5479	12.190,8352

Retribución salario convenio persoal operario (ano 2002)

Categorías	Retribución salarial mes	Retribución salarial 12 meses	Gratificacións regulamentarias 2 meses	Total anual

Capataz	944,5576	11.334,6910	1.889,1152	13.223,8062
Oficial de 1ª	909,0944	10.909,1333	1.818,1889	12.727,3222
Oficial de 2ª	877,8102	10.533,7222	1.755,6204	12.289,3425
Oficial de 3ª	856,7333	10.280,7998	1.713,4666	11.994,2664
P. especializado	844,2134	10.130,5608	1.688,4268	11.818,9876
P. ordinario	824,1726	9.890,0714	1.648,3452	11.538,4166

Complemento axuda á formación=5,1023 euros/hora.

Hora extraordinaria=8,7543 euros/hora.

Axuda estudios fillos traballadores: 3.029,1010 euros.

Seguro vida; capital base=4.808,0968 euros.

Complemento hora noite quendas=1,7540 euros/hora.

Complemento cambio xornada=1.133,6449 euros/ano.

ANEXO II/1

Retribucion variable de sociedade e complemento especial obxectivos anual

1. O límite establecerase para cada ano de vixencia do convenio en función do orzamento do ano sendo o obxectivo para o ano 2002 o 5,42% de R.E. s/PNV antes do devengo da retribución variable.

2. Fórmula.

Importes para pagar dunha soa vez, cada año cun resultados dentro da escala de limiares:

Limiares de resultados de sociedade	2002 (A)	2003	2004

5,42 a 6,09	451	-	-
6,10 a 8,09	511	-	-
8,10 a 10,59	752	-	-
10,60 en diante	902	-	-

O cálculo para a determinación do citado porcentaxe será calculado mediante a seguinte fórmula:

R.E. real ano de sociedade

Incentivo resultados (I.R.)=x100

PNV real ano de sociedade

Para anos sucesivos a retribución variable será establecida en función dos resultados xerais de sociedad Unión Cristalera Portaglás, S.L. (50%) e en función dos resultados do centro de traballo (50% restante). Os obxectivos serán fixados, para os anos 2003 e 2004, en función dos orzamentos elaborados e aprobados pola dirección xeral para a sociedade no seu conxunto e para cada centro de traballo.

ANEXO II/2

Retribuación variable relacionada

con IC e IF1 de sociedade

Aboarase en función das horas traballadas no ano e do valor que resulta de:

V=30,05 (IC real/IC obxectivo)+30,05 (IF1 obxectivo/IF1 real),

Acotada de modo que o valor máximo aplicable sexa:

V=30,05 (IC real/IC obxectivo)+30,05 (IF1 obxectivo/IF1 real)=69,12 euros brutos ano.

E sempre que, cada coeficiente obtido para cada índice resulte maior ou igual que 0,95 o que dará lugar, neste segundo caso, a un valor mínimo aplicable de 57,10 euros brutos ano.

Coeficientes inferiores a 0,95 para calquera dos dous indicadores, farán inaplicable este concepto retributivo.

ANEXO III

Normas para a distribución da axuda de estudios

1. A axuda de estudios beneficiará exclusivamente os fillos dos traballadores acredores a iso, segundo os artigos que seguen. Exclúense expresamente os irmáns dos traballadores ou outros familiares de calquera grao.

2. A contía global para repartir anualmente será o establecido en todo momento por convenio entre empresa e traballadores.

3. Terá dereito a recibi-la axuda de estudios todo o persoal de Unión Cristalera Portaglas, S.L. (Vigo) con fillos -tanto naturais como lexítimos, adoptados legalmente ou baixo tutela legal, e incluso os habidos en anteriores nupcias, sempre que estean baixo tutela do declarante- e que ademais reúna as condicións seguintes:

a) Que o pai ou titor o solicite expresamente, cada ano, en impreso que facilitarán oportunamente os representantes dos traballadores.

b) Que realicen cursos de titulación recoñecidas polo Estado ou estudios de capacitación profesional de duración igual ou superior a un ano escolar, sen límite mínimo nin máximo de idade.

c) Que os estudios se realicen en centros localizados en territorio español, tanto públicos como privados.

d) Os fillos subnormais de calquera idade, tanto que vivan cos pais como que permanezan en centros especiais, pero sempre e cando estean a cargo do solicitante.

4. Non terán dereito a recibi-la axuda de estudios os que incumpran o establecido no artigo 3 anterior, e ademais:

a) O persoal expresamente excluído do ámbito do convenio colectivo.

b) Os fillos dos traballadores que, aínda cando estudien, teñan un traballo fixo remunerado como mínimo co salario mínimo interporfesional.

5. Calquera caso non previsto por estas normas será resolto polos delegados de persoal.

6. Cada fillo con dereito a iso devengará a axuda de estudios unha soa vez anualmente, é dicir, no caso de que pai e nai traballen en UCP Vigo non poderán presentar dúas solicitudes, senón conxuntamente unha soa solicitude.

7. Os impresos que se faciliten para formaliza-la solicitude, serán cubertos polo solicitante con tódolos datos que se pidan, pondo ademais data de entrega e sinatura. Os datos relativos ós estudios referiranse sempre ós do último ano escolar finalizado, non ó que se terá que cursar.

8. O prazo para solicita-la axuda de estudios abrirase o 15 de maio e cerrarase o 31 de maio. Non se admitirán, por ningún motivo, solicitudes que cheguen a poder dos representantes despois da data de peche.

9. Os representantes no centro de traballo exporán nunha nota no taboleiro de anuncios, abrindo o prazo de solicitude e facendo constar expresamente a data de peche.

10. Unha vez pechado o prazo, os representantes remitirán as solicitudes ó delegado de persoal encargado de os tramitar en primeira instancia e establecerá unha relación de tódolos solicitantes, fillos acredores de axuda, nivel de estudios e coeficiente que corresponda a cada fillo; a relación exporase no taboleiro de anuncios entre o 5 e o 10 de xuño como máximo.

11. Á vista dos datos que se indican no artigo anterior, calquera trabalaldor poderá formula-las reclamacións que coide oportunas.

12. O 11 de xuño seguinte día hábil reuniranse os delegados de persoal para tramitaren definitivamente tódalas solicitudes, resolve-las reclamacións que houber e calquera outra incidencia, así como determina-las cantidades que correspondan a cada solicitante en función da suma de coeficientes asignados e a cantidade global para repartir segundo convenio exporase a seguir segundo se especifica no artigo 10 anterior, co coeficiente definitivo que corresponde a cada fillo e a cantidade que deberá recibir.

13. A empresa liquidará o importe que corresponda a cada solicitante, comprobados os termos de aplicación destas normas e validará a relación definitiva, para o seu aboamento en nómina do mes de agosto.

14. Non existe limitación da axuda de estudios que corresponda a cada solicitante por número de fillos acredores diso. A única limitación na contía de cada axuda ven dada pola cantidade global para repartir, número total de fillos de tódolos traballadores solicitantes e nivel de estudios.

15. Para a concesión da axuda, non se terán en conta as notas obtidas no curso, sendo indiferentes, para estes efectos, os suspensos ou non aptitude dos estudiantes.

16. Os coeficientes para calcula-lo que corresponde a cada estudiante acreedor da axuda serán, segundo o seu nivel de estudios, os seguintes:

NivelCoeficiente

Preescolar e párvulos1.00

EXB de 1º a 4º ano incluído1.50

EXB de 5º a 8º ano incluído2.00

BUP, COU e escolas profesionais2.50

Estudios superiores3.00

Subnormais5.00

17. Aplicaranse os ditos coeficientes como segue:

a) A cada estudiante, segundo o seu nivel de studios que figure na solicitude, asignaráselle o coeficiente que corresponda.

b) Sumaranse tódolos coeficientes asignados, dando unha cifra variable cada ano, que loxicamente ten que ser así polas distintas circunstancias que se darán cada ano nas solicitudes.

c) A cantidade anual para repartir pactada no convenio dividirase entre a suma dos coeficientes obtida segundo se indica no punto b), resultando así a cantidade que corresponde ó coeficiente 1.00 precisamente para ese ano que se calcula.

d) Abonda con multiplicar esta cantidade base obtida segundo se indica no punto c), polo coeficiente que corresponda, para que resulte o que devengará cada fillo.

e) Á súa vez, súmanse as cantidades devengadas por cada fillo, resultando o total que percibirá cada traballador solicitante.

f) A suma de tódolos totais percibidos polos traballadores ten que ser necesariamente o pactado en convenio.

18. Os delegados de persoal estudiarán os casos nos que se apreciou incorrección de datos facilitados polo solicitante. Se se probar algún falseamento intencionado de datos poderanse adoptar sancións, incluso ata a suspensión indefinida da axuda.

-Disposición adicional:

Procedemento voluntario de solución de conflictos:

Ámbalas partes acordan incluír nesta disposición adicional o seguinte texto:

1. Adhesión.

As partes asinantes deste convenio colectivo acordan adheririse, de xeito incondicionado, á totalidade do acordo sobre solución extraxudicial de conflictos laborais e ó seu regulamento de aplicación publicado no BOE do 8 de febreiro de 1996 (ASEC).

2. Procedementos.

Os procedementos para a solución de conflictos colectivos son:

a) Intervención previa e preceptiva da comisión mixta.

b) A mediación.

c) A arbitraxe.

3. Órganos e ámbitos.

Será o organismo creado no ámbito da comunidade autónoma quen entenda e tramite os procedementos de mediación e arbitraxe.

A eficacia e a tramitación dos citados procedementos rexerase polo establecido nas normas e regulamentos de funcionamento dos distintos organismos.

CONSELLERÍA DE FAMILIA E PROMOCIÓN DO EMPREGO,

MULLER E XUVENTUDE