Jaime Balado Yáñez, secretario xudicial do Xulgado do Social número dous da Coruña, dou fe e testemuño en autos seguidos perante este Xulgado do Social tramitados baixo o número 780/2002, a instancia de Manuel Ares Valle contra a empresa Gesvaria, S.L. e Fogasa sobre salarios, dictouse a seguinte sentencia:
Na cidade da Coruña, o 19 de decembro de 2002.
Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 780/2002, seguidos por instancia de Manuel Ares Valle, maior de idade, asistido polo letrado Francisco Pampín Miras, contra a empresa Gesvaria, S.L., que non compareceu nos autos; e Fondo de Garantía Salarial, representado e asistido pola letrada Enma Pérez Díez del Corral, sendo o obxecto da reclamación salarios.
Seguen feitos e fundamentos de dereito.
Decido que debo estimar e estimo parcialmente a demanda interposta por Manuel Ares Valle, con intervención do Fogasa contra a empresa Gesvaria, S.L., condenando a demandada a aboar ó demandante a cantidade de 2.748,06 pesetas polos conceptos reclamados na demanda.
Notifíqueselles esta resolución ás partes ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo se o recorrente non goza do beneficio da xustiza gratuíta deberá ó anuncialo entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade co número de conta 5603 clave 60, facendo constar no ingreso o número do expediente.
E así mesmo deberá no momento de interpoñe-lo recurso consigna-la cantidade de 150,25 euros en
concepto de depósito na clave 65 da citada conta e expediente.
Así, por esta miña sentencia definitivamente xulgando en primeira instancia pronúncioo, mándoo e asínoo.
E para que sirva de notificación á empresa Gesvaria, S.L. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña o 19 de decembro de 2002.
O secretario xudicial
Rubricado