Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 165/2001, por instancia de Manuel Estraviz Sánchez contra Núcleo Gestión, S.L. e Mutua Madín sobre prestacións nos que recaeu sentencia en data que copiada nos particulares necesarios di así:
«Decido que estimando a demanda interposta por Manuel Estraviz Sánchez contra Núcleo Gestión, S.L. e Mutua Madín debo declarar e declaro que o demandante ten dereito ó recoñecemento da prestación de incapacidade temporal solicitada na demanda, condenando as demandadas a estar e pasar pola devan
dita declaración e á empresa Núcleo Gestión, S.L. como responsable directa de aboamento da prestación referida polo período 21 de febreiro de 2000 ó 19 de xaneiro de 2001, na contía de 3.560,70 euros (592.450 pesetas). A Mutua Madín de accidentes de traballo e enfermidades profesionais demandada a anticipa-lo pagamento da dita cantidade cos aumentos, melloras, revalorizacións e efectos económicos correspondentes.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación, anunciando o propósito de interpoñelo mediante comparecencia ou por escrito, sendo indispensable que no momento de anuncialo o recorrente, se é empresario, exhiba perante este xulgado do social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado número identificador 5.605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, sen este requisito non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta coa clave 65, entregándose o xustificante na secretaría
no momento de interpoñe-lo recurso declarándose este desistido de non se constituír ese depósito na forma indicada, definitivamente xulgando en primeira instancia, pronúncioo, mándoo e asínoo.
Así, por esta miña sentencia, do que se unirá certificación ós autos orixinais para a súa notificación e cumprimento, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Núcleo Gestión, S.L., expido e asino esta cédula na Coruña, 27 de novembro de 2002.
A secretaria xudicial
Rubricado