Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 573/2002 por instancia de María Begoña Prieto Gaite contra Fogar Gas, S.L. sobre salarios, nos que recaeu sentencia en data que, copiada nos particulares necesarios, di así:
«Fallo que estimando a demanda promovida por María Begoña Prieto Gaite contra a empresa Fogar Gas, S.L., debo declarar e declaro improcedente o despedimento efectuado á demandante en data 18-6-2002, condenando a demandada a que no prazo de cinco días, contados desde a notificación desta resolución, opte entre a readmisión do traballador
nas mesmas condicións que rexían antes de producirse o despedimento ou o aboamento da cantidade de 4.321,55 euros en concepto de indemnización. E ó aboamento dos salarios deixados de percibir desde a data do despedimento e ata a notificación desta resolución a razón de 36,59 euros diarios, no caso de que opte pola readmisión.
Así, por esta miña sentencia, contra a que se poderá recorrer en suplicación perante a Sala do Social del Tribunal Superior de Xustiza de Galicia no prazo de cinco días contados desde o seguinte á súa notificación, anunciando o propósito de establecelo mediante comparecencia ou por escrito sendo indispensable que ó tempo de anuncialo o recorrente, se é empresario, exhiba perante este Xulgado do Social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado número identificador 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta coa clave 65, entregándose o xustificante na secretaría ó tempo
de interpoñe-lo recurso declarándose este desistido de non constituírse o dito depósito na forma indicada, definitivamente xulgando en primeira instancia pronúncioo, mándoo e asínoo.
Así, por esta miña sentencia da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo.
E para que conste, para efectos da súa publicación no Diario Oficial de Galicia, co fin de que sirva de notificación e forma á empresa Fogar Gas, S.L. expido e asino a presente cédula na Coruña, 15 de novembro de 2002.
A secretaria xudicial
Rubricado
