De conformidade coa proposta elevada pola comisión constituída para xulga-lo concurso convocado por resolución desta universidade do 30 de outubro de 2001 (BOE do 22 de novembro) para a provisión da praza de profesor titular de universidade da área de coñecemento de filoloxía italiana, do departamento de Filoloxía Francesa e Italiana, da Universidade de Santiago de Compostela a favor de Mª Consuelo de Frutos Martínez, tendo en conta que a interesada cumpre os requisitos a que alude o
punto 2º do artigo 5 do Real decreto 1888/1984, do 26 de setembro;
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Mª Consuelo de Frutos Martínez, profesora titular de universidade da área de coñecemento de filoloxía italiana, do departamento de Filoloxía Francesa e Italiana da Universidade de Santiago de Compostela.
Santiago de Compostela, 25 de novembro de 2002.
Senén Barro Ameneiro
Rector da Universidade de Santiago de Compostela