De conformidade co disposto no artigo 46.1º do Real decreto 2377/1985, do 18 de decembro (BOE do 27 de decembro), polo que se aproba o Regulamento de normas básicas sobre concertos educativos que establece que: As variacións que se poidan producir nos centros por alteración do número de unidades ou por outras circunstancias individualizadas darán lugar á modificación do concerto educativo sempre que tales variacións non afecten os requisitos que orixinaron a súa aprobación.
Vistos os informes das delegacións provinciais correspondentes de que os centros privados concertados que se relacionan no anexo non teñen o número mínimo de alumnos escolarizados en determinadas unidades concertadas, así como as alegacións formuladas polos ditos centros.
A Consellería de Educación e Ordenación Universitaria, por proposta da Dirección Xeral de Centros e Inspección Educativa,
DISPÓN:
Primeiro.-Modifica-la citada Orde do 5 de xullo de 2002 (DOG do 18 de xullo), afectando ás unidades dos centros docentes privados que se relacionan no anexo da presente orde.
Segundo.-A presente orde entrará en vigor a partir do día seguinte ó da súa publicación no Diario Oficial de Galicia.
Contra a presente resolución, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes, contado a partir do día seguinte ó da súa notificación, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.
Santiago de Compostela, 18 de decembro de 2002.
Celso Currás Fernández
Conselleiro de Educación e Ordenación
Universitaria
ANEXO
Provincia: A Coruña.
Concello: Arzúa.
Centro: EFA Piñeiral.
Redúceselle 1 unidade do ciclo formativo de grao medio xestión administrativa, con efectos económico-administrativos do 31 de decembro de 2002.
Concello: A Coruña.
Centro: San Andrés.
Redúceselle 1 unidade do ciclo formativo de grao medio xestión administrativa, con efectos económico-administrativos do 31 de decembro de 2002.
Concello: A Coruña.
Centro: Santamariña.
Redúceselle 1 unidade do ciclo formativo de grao medio comercio e 1 unidade do programa de garantía social dependente de comercio e 1 unidade do programa de garantía social servicios auxiliares de oficina, con efectos económico-administrativos do 31 de decembro de 2002.
Concello: A Coruña.
Centro: Technical School.
Redúceselle 1 unidade do ciclo formativo de grao medio xestión administrativa e 1 unidade do ciclo formativo de grao medio comercio, con efectos económico-administrativos do 31 de decembro de 2002.
Concello: Pontedeume.
Centro: San José.
Redúceselle 1 unidade do programa de garantía social servicios auxiliares de oficina, con efectos económico-administrativos do 31 de decembro de 2002.
Provincia: Lugo.
Concello: Sober.
Centro: Belarmino Fernández Iglesias.
Redúceselle 1 unidade do programa de garantía social axudante de cociña e restauración, con efectos económico-administrativos do 1 de setembro de 2002.
Provincia: Pontevedra.
Concello: Vigo.
Centro: Daniel Castelao.
Redúceselle 1 unidade do programa de garantía social servicios auxiliares de oficina, con efectos económico-administrativos do 31 de decembro de 2002.
CONSELLERÍA DE POLÍTICA AGROALIMENTARIA E
DESENVOLVEMENTO RURAL