Visto o expediente incoado nesta delegación provincial por petición de Barras Eléctricas Galaico-Asturianas, S.A., con domicilio para os efectos de notificación na rúa Cidade de Viveiro, 4, Lugo, que solicita aprobación do proxecto, autorización administrativa e declaración de utilidade pública da instalación eléctrica de referencia.
Cumpridos os trámites establecidos na Lei 54/1997, do 27 de novembro (BOE nº 285, do 28 de novembro), do sector eléctrico, e os ordenados no título VII do Real decreto 1955/2000, do 1 de novembro (BOE nº 310, do 27 de decembro), polo que se regulan os procedementos da autorización de instalacións eléctricas de enerxía.
Visto que na tramitación do expediente a empresa manifesta ter chegado a un mutuo acordo con tódolos
interesados sometidos ós trámites expropiatorios polo que, mediante escrito do 12 de setembro de 2002, solicita que se admita a súa desistencia en canto á solicitude inicial de declaración de utilidade pública da instalación L.M.T., C.T., R.B.T. Barranca e Santo Estevo (obxecto do presente expediente) e que se dicte resolución exclusivamente na parte que corresponda á autorización administrativa e aprobación do proxecto de execución.
Visto que, en cumprimento do establecido no artigo 91.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999 (BOE nº 12, do 14 de xaneiro de 2000), deuse traslado desta solicitude de desistencia ós interesados sen que dentro do prazo establecido para o efecto se formularan obxeccións a ela.
Sendo competente este organismo, con base no Estatuto de autonomía de Galicia, no Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma galega en materia de industria, enerxía e minas, e no exercicio de competencias atribuídas polo Decreto 36/2001, do 25 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia.
RESOLVO:
Primeiro.-Autorizarlle a BEGASA o establecemento da dita instalación eléctrica, coas seguintes características principais:
1. Liña de media tensión aérea con orixe na L.M.T. ó C.T. de Barranca e remate no C.T. proxectado de Santo Estevo de 963 m de lonxitude a 20 kV sobre apoios metálicos e de formigón en conductor LA-56.
2. Centro de transformación aéreo de intemperie de Santo Estevo de 160 kVA de potencia e relación de transformación 20.000/380-220 V.
3. Rede de baixa tensión aérea de Santo Estevo de 1.920 m de lonxitude a 380/220 V sobre apoios de formigón en conductor R.Z.
4. Rede de baixa tensión aérea de Barranca de 1.115 m de lonxitude a 380/220 V sobre apoios de formigón en conductor R.Z.
5. Rede de baixa tensión aérea de Penacha de 340 m de lonxitude a 380/220 V sobre apoios de formigón en conductor R.Z.
Segundo.-Prestar aprobación ó seu proxecto de execución, unha vez cumpridos os trámites que se sinalan no capítulo II, título VII do citado Real decreto 1955/2000, e visto o contido do informe técnico do 27 de febreiro de 2002.
Esta resolución non é definitiva na vía administrativa, e contra ela poderase interpoñer recurso de alzada perante o conselleiro de Industria e Comercio no prazo dun mes, contado desde o día seguinte ó da súa notificación/publicación, sen prexuízo de
que os interesados poidan interpoñer calquera outro recurso que consideren pertinente.
Lugo, 2 de outubro de 2002.
Jesús Bendaña Suárez
Delegado provincial de Lugo