Mª Dolores Olalla García, secretaria xudicial do Xulgado do Social número trinta e dous de Madrid fago saber que no procedemento demanda 183/2002 deste Xulgado do Social, seguido por instancia de Francisco Mendes, Marcel Gomis contra a empresa Seidi Gois Construcciones, S.L., sobre ordinario, se dictou a sentencia de que se xunta copia.
E para que conste e sirva de notificación en legal forma a Seidi Gois Construcciones, S.L., en ignorado paradoiro, expido este edicto para se inserir no BOP.
En Madrid, no vintedous de outubro de dous mil dous.
Advírtese o destinatario de que as seguintes comunicacións se farán neste xulgado, salvo as que revistan forma de auto ou sentencia ou se trate de emprazamento.
A secretaria xudicial
Rubricado
Sentencia: 320/2002.
Nº autos: demanda 183/2002.
Na cidade de Madrid, no vintecinco de xuño de dous mil dous.
Mª Luisa Gil Meana, maxistrada-xuíza do Xulgado do Social número trinta e dous do xulgado e localidade ou provincia de Madrid, despois de ve-los presentes autos sobre ordinario entre partes, dunha e como demandante Francisco Mendes, Marcel Gomis, que comparece representado polo letrado Sr. S. González, e da outra, como demandado, Seidi Gois Construcciones, S.L.
En nome de El-Rei dictouse a seguinte sentencia:
Antecedentes de feito.
Primeiro.-Con data do 20-2-2002 tivo entrada no Decanato dos Xulgados do Social de Madrid demanda presentada pola parte demandante, que en quenda de repartición correspondeu a este xulgado, e na que se reclama por concepto de cantidade que se condene a demandada a aboar a cada un dos demandantes a cantidade de 259.186 pesetas (1.557,74 euros), máis o 10% do xuro de demora.
Segundo.-Admitida a trámite a dita demanda, sinalouse para a celebración dos actos de conciliación e, se for o caso, de xuízo a audiencia do 21-6-2002.
Sendo o día e a hora sinalados e chamadas as partes, comparece a parte demandante, non o facendo o demandado a pesar de constar en autos ter sido citado en forma.
Terceiro.-Aberto o xuízo, a parte demandante ratificouse na demanda, pedíndo o recibimento do xuízo a proba.
Recibido o xuízo a proba, a parte demandante propuxo a proba documental e interrogatorio de parte, solicitando que se tivese por confesa a demandada.
Cuarto.-Na tramitación deste procedemento cumpríronse tódalas formalidades prescritas pola lei (excepto o relativo a prazos debido ó número de asuntos pendentes neste xulgado).
Feitos probados.
Primeiro.-Os demandantes traballaron para a empresa demandada desde o día 21-5-2001 ata o 11-10-2001, en que ambos causaron baixa voluntaria. A categoría era a de peón especialista (nivel salarial XI) e o salario polo que viñeron sendo retribuídos era de 1.905.764 pesetas anuais, con inclusión de pagas extraordinarias.
Segundo.-A actividade da empresa era a construcción e o convenio colectivo aplicable o da construcción da provincia de Madrid.
Terceiro.-Non se lles aboaron as seguintes cantidades:
-Atrasos do 21-5-2001 ó 31-8-2001.
S. base (2.702-2.589) x 103 días: 11.639 pesetas.
C. activ. (1.880-1.801) x 74 días efectivamente traballados: 5.846 pesetas.
P. extras (885-847) x 74 días efectivamente traballados: 2.812 pesetas.
-Parte proporcional p. verán (41/182): 35.537 pesetas.
-Salario 11 días de outubro de 2001:
S. base 2.702 x 11 días: 29.722 pesetas.
C. activ. 1.880 x 8 días: 15.040 pesetas.
C. extrasal. 885x8 días: 7.080 pesetas.
-Parte proporcional p. Nadal (103/182): 89.275 pesetas.
-Parte proporcional de vacacións (144/365): 62.235 pesetas.
Total: 259.186 pesetas (1.557,74 euros).
Fundamentos de dereito.
Único.-Da valoración da proba fornecida e da aplicación do principio de ficta confessio, visto que se pediu a confesión do representante da empresa na demanda e no acto da vista sen que comparecese a parte demandada, e sendo de aplicación o contido do art. 29.1º e 3º do Estatuto dos traballadores, é polo que se debe estima-la demanda.
Vistos os preceptos citados e demais de xeral e pertinente aplicación.
Decido que, con estimación da demanda presentada por Francisco Mendes e Marcel Gomis contra Seidi Gois Construcciones, S.L., debo condenar e condeno a empresa demandada a aboa-la cantidade de 1.557,74 euros máis 155,77 euros de xuro de demora a cada un dos demandantes.
Notifíquese esta sentencia ás partes advertindo que contra ela non cabe interpor recurso ningún.
Por esta sentencia, xulgando definitivamente, así o pronuncio, mando e asino.
Publicación.-A anterior sentencia foi lida e publicada no día da súa data pola maxistrada-xuíza Mª Luisa Gil Meana, que a subscribe, na sala de audiencia deste xulgado. Dou fe.
