Ana María Carrasco García, secretaria do Xulgado do Social número catro da Coruña, dou fe e certifico que neste xulgado séguense autos número 121/2002 por instancia de María Victoria Vázquez Ares contra Instituto Nacional de Empleo y Cablogis, S.L. sobre desemprego nos que recaeu sentencia en data 19-9-2002 que copiada nos particulares necesarios di así:

«Decido que estimando a demanda promovida por María Victoria Vázquez Ares contra o Instituto Nacional de Emprego, e contra a empresa Cablogis, S.L. debo declarar e declaro que a base reguladora diaria da prestación de desemprego recoñecida á demandante é a de 31,85 euros/día (5.300 pesetas), condenando o demandado Instituto Nacional de Emprego a estar e pasar pola anterior declaración e ó aboamento da prestación na contía correspondente conforme a devandita base reguladora. E a empresa codemandada a reintegrar á entidade xestora o importe da prestación recoñecida de conformidade co anteriormente declarado.

Así, por esta miña sentencia contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días a contar desde o seguinte á súa notificación, anunciando o propósito de presentalo mediante comparecencia ou por escrito, sendo indispensable que ó tempo de anuncia-lo recorrente, se é empresario, exhiba diante deste xulgado do social o xustificante acreditativo de ter depositado no Ban

co Bilbao Vizcaya, oficina principal desta cidade, na conta corrente deste xulgado, número 5.605, clave 60 a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista; sen ese requisito non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta, clave 65, entregándose o xustificante na secretaría ó tempo de interpoñe-lo recurso declarándose o mesmo desistido de non constituírse o dito depósito na forma indicada, definitivamente xulgando en primeira instancia, o pronuncio, mando e asino».

E para que conste, para efectos da súa publicación no Diario Oficial de Galicia a fin de que sirva de notificación a empresa Cablogis, S.L., expido e asino a presente cédula na Coruña, 30 de setembro de 2002.

O secretario xudicial

Rubricado