A protección do ambiente e a mellora da calidade de vida dos cidadáns son dous obxectivos prioritarios da Xunta de Galicia.
Para o cumprimento destes fins é consciente das necesidades de medios materiais e técnicos e a falla
de medios económicos que teñen os concellos, na pasada década a Xunta de Galicia estableceu un programa de cooperación coas entidades locais para dotalas de recursos que lles permitisen realizar con éxito as tarefas de recolla e transporte de residuos sólidos urbanos ó vertedoiro ou ecoplanta.
O programa de cooperación coas entidades locais en materia de residuos sólidos urbanos regulouse ó abeiro das ordes do 26 de maio de 1989 (DOG nº 121, do 26 de xuño), 11 de maio de 1990 (DOG nº 97, do 21 de maio), 26 de marzo de 1991 (DOG nº 71, do 15 de abril), 12 de maio de 1992 (DOG nº 106, do 4 de xuño), 25 de maio de 1994 (DOG nº 113, do 14 de xuño) e 26 de setembro de 1996 (DOG nº 189, do 26 de setembro) e co desenvolvemento de convenios de colaboración específicos cos concellos e mancomunidades que así o solicitaron, para a cesión en uso de determinados vehículos recolectores-compactadores de residuos sólidos urbanos.
Os concellos de Fene, Ortigueira, Arzúa, Fisterra, Valdoviño, Ordes, Miño, Mañón, Coristanco e Vimianzo (A Coruña); Vilalba, Monterroso-Taboada (Monterroso), Riotorto-A Pontenova (Riotorto), Ourol-Xove-O Vicedo (Ourol), Paradela, Rábade-Outeiro de Rei, Friol, Cospeito, Castro de Rei, Begonte (Rábade), Chantada-Carballedo (Chantada), Pantón-Sober (Pantón), Pastoriza, Baleira (Lugo); A Rúa, San Cibrao das Viñas-Barbadás-Toén (San Cibrao das Viñas), Bande, Vilamartín-Rubiá-Carballeda (Vilamartín), Padrenda, (Ourense); Salceda de Caselas, Cangas, Ponteareas, O Porriño, Campo Lameiro, Mondariz Balneario, Vilaboa, Pazos de Borbén, Bueu, Dozón, As Neves, Tui, Valga, O Grove (Pontevedra) solicitan a cesión en propiedade dos vehículos recolectores-compactadores de residuos sólidos urbanos, cedidos en uso na actualidade.
Con este fin a Consellería de Medio Ambiente tramitou o expediente de cesión dos ditos vehículos, de conformidade co disposto no artigo 35 bis da Lei 3/1985, do 12 de abril, do patrimonio da Comunidade Autónoma galega, engadido pola Lei 11/1996, do 30 de decembro, de orzamentos xerais da Comunidade Autónoma para 1997, e no artigo 96 bis do seu regulamento, aprobado polo Decreto 50/1989, do 9 de marzo, engadido polo Decreto 238/1998, do 24 de xullo (DOG nº 156, do 13 de agosto).
Por todo o exposto e en uso das facultades que me confire o artigo 38 da Lei 1/1983, do 22 de febreiro, reguladora da Xunta de Galicia e do seu presidente, modificada pola Lei 11/1988, do 20 de outubro,
DISPOÑO:
Artigo 1º
Acórdase a cesión en propiedade dos seguintes vehículos a favor dos concellos de Fene, Ortigueira, Arzúa, Fisterra, Valdoviño, Ordes, Miño, Mañón,
Coristanco e Vimianzo (A Coruña); Vilalba, Monterroso-Taboada (Monterroso), Riotorto-A Pontenova (Riotorto), Ourol-Xove-O Vicedo (Ourol), Paradela, Rábade-Outeiro de Rei, Friol, Cospeito, Castro de Rei, Begonte (Rábade), Chantada-Carballedo (Chantada), Pantón-Sober (Pantón), Pastoriza, Baleira (Lugo); A Rúa, San Cibrao das Viñas-Barbadás-Toén (San Cibrao das Viñas), Bande, Vilamartín-Rubiá-Carballeda (Vilamartín), Padrenda (Ourense); Salceda de Caselas, Cangas, Ponteareas, O Porriño, Campo Lameiro, Mondariz Balneario, Vilaboa, Pazos de Borbén, Bueu, Dozón, As Neves, Tui, Valga, O Grove (Pontevedra).
Matrícula Concello Marca Nº bastidor
C 0487 AY Fene SEMAT VS11217A7M6E60320
C 0488 AY Vilalba SEMAT VS11217A7M6E60318
C 0489 AY Ortigueira SEMAT VS11217A7M6E60324
C 0518 AW Monterroso Ros-Roca VSKM116345981
C 0520 AW Riotorto Ros-Roca VSKM1116346317
C 0523 AW Ourol Ros-Roca VSKM1116346218
C 1481 AV Arzúa Ros-Roca VSKM1116GLB342437
C 1482 AV Salceda de Caselas Ros-Roca VSKM1116GLB342349
C 1489 AV Cangas Ros-Roca VSKM1116GLB344577
C 1493 AV Ponteareas Ros-Roca VSKM1116GLB343047
C 1513 AY O Porriño SEMAT VS11217A7M6E60330
C 2222 AY A Rúa Ros-Roca VSKM1116GMB350004
C 2238 AY San Cibrao das Viñas Ros-Roca VSKM1116GMB350025
C 2245 AY Padrenda Ros-Roca VSKM1116GMB348618
C 2365 AY Paradela Ros-Roca VSKM1116GMB350327
C 3379 AV Fisterra Ros-Roca VSKM1116GLB345316
C 3380 AV Bande Ros-Roca VSKM1116GLB345958
C 3381 AV Valdoviño Ros-Roca VSKM1116GLB345932
C 3382 AV Ordes Ros-Roca VSYA17VIGLM079704
C 3386 AV Rábade Ros-Roca VSYA17V1GLM079654
C 3387 AV Chantada Ros-Roca VSYA17VIGLMO79318
C 4074 AY Miño Ros-Roca VSKM1116GMB350405
C 4075 AY Mañón Ros-Roca VSKM1116GMB350381
C 4076 AY Coristanco Ros-Roca VSKM1116GMB350468
C 5385 AV Vilamartín Ros-Roca VSKM1116GLB346155
C 5469 AY Campo Lameiro Ros-Roca VSKM1116GMB350911
C 5471 AY Mondariz Balneario Ros-Roca VSKM1116GMB350884
C 5474 AY Vilaboa Ros-Roca VSKM1116GMB350857
C 5475 AY Pazos de Borbén Ros-Roca VSKM1116GMB350856
C 5477 AY Bueu Ros-Roca VSKM1116GMB350486
C 6445 AX Pantón Ros-Roca VSKM1116GMB348650
C 6446 AX Dozón Ros-Roca VSKM1116GMB348571
C 6447 AX As Neves Ros-Roca VSKM1116GMB348524
C 6448 AX Tui Ros-Roca VSKM1116GMB348529
C 6450 AX Valga Ros-Roca VSKM1116GMB347090
C 6451 AX O Grove Ros-Roca VSKM1116GMB348500
C 6453 AX Pastoriza Ros-Roca VSKM1116GMB348526
C 6835 AT Vimianzo Ros-Roca VSKM1116GLB340205
C 8021 AY Baleira Ros-Roca VSKM1116GLB346139
Artigo 2º
A cesión queda sometida ás seguintes cláusulas:
a) Os bens cedidos destinaranse á recolla e transporte de residuos sólidos urbanos.
b) A cesión, en propiedade, outórgase con carácter definitivo, sen prexuízo do previsto nos parágrafos seguintes.
c) Coa cesión outorgaráselle ó concello a propiedade do vehículo, comprometéndose este a realizar
ante a Xefatura Provincial de Tráfico os trámites precisos para o cambio da titularidade do vehículo.
d) O concello comprométese a efectua-lo pagamento dos importes debidos en concepto de imposto de circulación.
e) Se os bens cedidos non se aplicasen ó fin sinalado, ou se no suposto de alleamento o seu importe non fose reinvestido na adquisición dun ben destinado á mesma finalidade, se se descoidasen ou utilizasen con grave quebrantamento, ou se incumprisen as condicións do acordo, considerarase resolta a cesión e os bens reverterán á Comunidade Autónoma, que terá dereito a percibir, logo de taxación pericial, o valor dos detrimentos ou deterioración que experimentasen.
f) A Consellería de Medio Ambiente poderá comproba-lo cumprimento das obrigas que leve implícitas a cesión, en virtude das facultades de control e vixilancia da cesión atribuídas no artigo 87 do Decreto 50/1989, do 9 de marzo, polo que se aproba o Regulamento para a execución da Lei 3/1985, do patrimonio da Comunidade Autónoma, e da obriga prevista na alínea c) deste artigo.
g) As entidades locais serán responsables fronte a terceiros de tódolos danos que puidesen derivar directa e indirectamente da utilización dos bens cedidos.
Artigo 3º
A cesión formalizarase mediante acta subscrita polo secretario xeral da Consellería de Medio Ambiente e o órgano competente dos distintos concellos, debendo constar nela o acordo de cesión e a aceptación do cesionario.
Disposicións derradeiras
Primeira.-A Consellería de Medio Ambiente, a través das súas delegacións provinciais, realizará os trámites necesarios para a efectividade da presente orde.
Segunda.-A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 2 de outubro de 2002.
José Carlos del Álamo Jiménez
Conselleiro de Medio Ambiente