A Corporación Municipal en Pleno, en sesión que tivo lugar o día 30 de xullo de 2002, acordou prestar aprobación definitiva ó expediente de modificación puntual das normas subsidiarias de planeamento municipal, para cualificación de parcela municipal como sistema xeral de equipamentos públicos. Equipamento dotacional en parcela sita en Arnelas-Sanxenxo.
A modificación aprobada ten por obxecto segrega-la parcela de propiedade municipal, dunha superficie de 2.374,78 m, dentro da delimitación do SAU-6, con fronte á avda. de Luis Rocafort, e variante de circunvalación entre os núcleos de Sanxenxo e Portonovo, e incluíla dentro da delimitación do solo urbano consolidado para cualificala como sistema xeral de equipamentos públicos, equipamento dotacional, de forma que permita executar nela a estación de autobuses de Sanxenxo.
O que se fai público para os efectos determinados no artigo 48 da Lei 1/1997, do 24 de marzo, do solo de Galicia.
Contra esta resolución, que é definitiva en vía administrativa, poderanse interpoñe-los recursos que seguen:
a) Potestativo de reposición ante o mesmo órgano que resolveu o acto administrativo recorrido, polo prazo dun mes a partir do día seguinte ó da publicación deste anuncio, computado na forma prevista no artigo 48 da Lei 30/1992, segundo redacción dada pola Lei 4/1999.
b) Contencioso-administrativo, no prazo de dous meses contados desde o día seguinte ó desta publicación, ante o Tribunal Superior de Xustiza de Galicia. Sen embargo, interposto o recurso de reposición, non se poderá interpoñer recurso contencioso-administrativo ata que sexa resolto expresamente o primeiro ou se produza a súa desestimación presunta por transcurso do prazo máximo dun mes para dictar e notifica-la resolución.
c) Calquera outro recurso que se considere oportuno e sexa procedente interpor.
Sanxenxo, 1 de agosto de 2002.
Telmo Martín González
Alcalde