En cumprimento do previsto no artigo 101 e concordantes da Lei orgánica do poder xudicial, anúnciase convocatoria pública para a provisión do cargo de xuíz de paz titular deste concello, conforme as seguintes bases:
Primeira.-Solicitudes.
As persoas interesadas poderán presenta-las súas solicitudes mediante instancia que se presentará no rexistro xeral do concello, das 9 ás 14 horas, durante o prazo de quince días hábiles, contados a partir do seguinte ó da publicación deste anuncio no Diario Oficial de Galicia e no BOP; o prazo contarase a partir da última publicación.
Coa solicitude presentaranse os seguintes documentos:
a) Certificado de nomeamento ou fotocopia autenticada do DNI.
b) Certificación expedida polo Rexistro Xeral de Penados e Rebeldes, xunto con declaración complementaria na que se faga referencia ó artigo 2 da Lei 68/1980, no seu punto 1.a), referente a se está inculpado ou procesado.
c) Xustificación de méritos que alegue o solicitante.
Segunda.-Condicións legais que teñen que reuni-los solicitantes.
Ser español, maior de idade, e non estar incurso en causas de incapacidade ou incompatibilidades previstas para o desempeño das funcións xudiciais, excepto o exercicio de actividades profesionais ou mercantís.
As causas de incompatibilidade sinaladas no artigo 389 da Lei orgánica do poder xudicial operarán con posterioridade o nomeamento, mediante opción efectuada polo nomeado.
Son causas de incapacidade: estar impedido física ou psiquicamente para a función xudicial; estar condenado por delicto doloso mentres non se obteña a rehabilitación; estar procesado ou inculpado por delicto doloso mentres non se obteña a absolución ou se dicte auto de sobresemento, e non estar no pleno exercicio dos dereitos civís.
Carballeda de Valdeorras, 8 de agosto de 2002.
Mª Carmen González Quintela
Alcaldesa