Aprobado inicialmente pola Comisión Municipal de Goberno do Concello de Cangas, en sesión con data do 28 de xuño de 2002, a modificación do estudio de detalle da unidade de actuación nº 4.5 das previstas nas normas subsidiarias de planeamento, promovido polo Concello de Cangas, sométese a información pública, por un período dun mes para efectos de reclamacións, contado a partir do día seguinte ó da súa publicación no Diario Oficial de Galicia, de conformidade co sinalado polo artigo 44.3º da Lei 1/1997, do 24 de marzo, do solo de Galicia. Este anuncio serve da notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios interesados directamente afectados que, por resultaren descoñecidos ou por se ignora-lo seu enderezo, non poidan ser notificados persoalmente.

Cangas, 28 de xullo de 2002.

José E. Sotelo Villar

Alcalde-presidente