Aprobados pola Comisión de Goberno deste concello os pregos de condicións económico-administrativas que rexerán o procedemento para a contratación da execución das obras de pavimentación de pistas municipais Castelao e A Graña en Bueu, e A Torre e Ermelo en Cela, incluídas no PAM/2002, expóñense ó público durante 8 días hábiles, contados a partir do seguinte ó de publicación deste anuncio no BOP ou DOG (último deles), para que poida presentar reclamacións quen se considere interesado.

De xeito simultáneo, anúnciase o conseguinte concurso, aínda que a licitación se aprazaría canto resulte necesario no caso de presentarse reclamacións ós pregos ou ó proxecto.

1. Entidade adxudicadora: Concello de Bueu.

2. Obxecto do contrato: execución da obra de pavimentación de pistas municipais en Castelao e A Graña en Bueu, e A Torre e Ermelo en Cela.

3. Tramitación: ordinaria.

Procedemento: aberto.

Forma: concurso.

4. Tipo de licitación: 100.364,03 euros.

5. Garantías: provisional: non se esixe. Definitiva: 4% do importe da adxudicación.

6. Obtención de información e documentación: Concello de Bueu. R/ Eduardo Vincenti, 10, 36930 Bueu. Teléfono: 986 39 00 29, telefax: 986 32 20 99.

7. Requisitos xerais do contratista sinalados no prego de condicións administrativas: non se esixe clasificación.

8. Presentación de proposicións:

a) Lugar e prazo: no rexistro xeral do Concello de Bueu (Pontevedra), durante os 26 días naturais contados desde o seguinte ó de publicación deste anuncio no último dos boletíns en que apareza (DOG ou BOP), das 8.30 ás 14.30 horas de luns a venres, e das 9 ás 13 horas os sábados, así como tamén na forma sinalada na cláusula 8 do prego de condicións.

b) Documentación que hai que presentar: as proposicións constarán de dous sobres pechados (A e B), denominados «Documentación xeral» e «Documentación específica para o concurso», coas inscricións e contido que se sinalan na cláusula 8 do prego de condicións.

9. Apertura de ofertas: ás 13 horas do 6º día hábil seguinte ó de remate do prazo para presentación de proposicións (para tales efectos, o sábado considerarase como inhábil).

10. Gastos de anuncios: por conta do adxudicatario.

11. Modelo de proposición: contido nos pregos de condicións.

Bueu, 6 de agosto de 2002.

Tomás Barreiro Sotelo

Alcalde