En cumprimento do disposto no artigo 93.2º do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracions públicas, a Dirección Xerencia de Atención Primaria de Lugo acorda darlle publicidade á adxudicación de diversas contratacións, en virtude das atribucións que lle foron delegadas conforme o establecido na alínea j) do artigo 6 da Orde do 14 de marzo de 2002, sobre delegacións de competencias en órganos centrais e periféricos do Sergas:
1. Entidade adxudicadora:
a) Organismo: Servicio Galego de Saúde. Xerencia de Atención Primaria de Lugo, praza Ferrol, nº 11-4ª planta (27001) Lugo.
b) Dependencia que tramita o expediente: Servicio de Subministración. Teléfono: 982 29 63 29. Fax: 982 29 62 28.
c) Número do expediente: C.P. 2/2002.
2. Obxeto da contratación:
a) Tipo de contrato: contrato de consultorías e asistencia e de servicios.
b) Descrición do obxecto: prestación do servicio de vixilancia e seguridade nos puntos de atención continuada de: Pac do Corgo, Pac de Lugo, Pac de Meira, Pac de Mondoñedo, Pac de Monforte de Lemos, Pac de Outeiro de Rei, Pac de Palas de Rei, Pac de Quiroga e Pac de Viveiro.
c) Data publicación do anuncio de licitación no Diario Oficial de Galicia: Diario Oficial de Galicia nº 75, do 18-4-2002.
3. Tramitación, procedemento e forma de adxudicación:
a) Tramitación: urxente.
b) Procedemento: aberto.
c) Forma de adxudicación: concurso público.
4. Orzamento base de licitación:
Un millón cento tres mil seiscentos noventa e catro euros con sesenta e seis céntimos (1.103.694,66 A).
5. Adxudicación:
a) Data: 28 de xuño de 2002.
b) Contratista: Serramar Vigilancia y Seguridad, S.L.
c) Importe da adxudicación: un millón corenta e nove mil seiscentos noventa e oito euros con oitenta céntimos (1.049.698,80 A) (IVE engadido).
Lugo, 7 de agosto de 2002.
Lorenzo Armenteros del Olmo
Director xerente de Atención Primaria de Lugo