Jaime Balado Yáñez, secretario xudicial do Xulgado do Social número dous da Coruña,

Dou fe e testemuño: nos autos seguidos perante este xulgado do social tramitdos baixo o número 159/2002 por instancia de José Seijas Morano, contra a empresa Prefabricados Gago, S.L. e Fogasa sobre salarios, dictouse a seguinte:

«Sentencia.-Na cidade da Coruña, 11 de xullo de 2002. Jorge Hay Alba, maxistrado-xuíz do social

número dous desta cidade, viu os presentes autos de xuízo número 159/2002 seguidos por instancia de José Seijas Morano, maior de idade, asistido pola letrada Cristina Gómez Lozano, contra a empresa Prefabricados Gago, S.L., que non compareceu en autos; intervindo o Fogasa, representado e asistido polo letrado Javier Morado Díaz, sendo o obxecto da reclamación, salarios.

Seguen feitos e fundamentos de dereito.

Decido: que estimando parcialmente a demanda interposta polo demandante José Seijas Morano, intervindo o Fogasa, contra a empresa Prefabricados Gago, S.L., debo condenar e condeno a esta a que aboe ó demandante a cantidade de 5.704,92 euros por tódolos conceptos reclamados na demanda.

Notifíqueselles esta resolución ás partes ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo se o recorrente non goza do beneficio da xustiza gratuíta deberá ó anuncialo entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade co número de conta 5.603, clave 60, facendo constar no ingreso o número do expediente.

E así mesmo deberá no momento de interpo-lo recurso consigna-la cantidade de 150,25 euros en concepto de depósito na clave 65 da citada conta e expediente.

Así, por esta miña sentencia, definitivamente xulgando en primeira instancia, pronúncioo, mándoo e asínoo».

E para que sirva de notificación á empresa Prefabricados Gago, S.L. mediante a súa publicación no Diario Oficial de Galicia, que ten o seu enderezo descoñecido, expido e asino a presente cédula na Coruña, 11 de xullo de 2002.

O secretario xudicial

Rubricado