Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño de que en autos seguidos perante este xulgado do social, tramitados baixo o número 94/2002, por instancia de Joaquín Barrientos Conde e Mª Dolores Barrientos Conde, contra a empresa Herculina de Gas, Hergás, S.L. e o Fogasa sobre salarios, dictouse a seguinte:

«Sentencia.-Na cidade da Coruña, 9 de xullo de 2002. Jorge Hay Alba, maxistrado-xuíz do Xulgado do Social número dous desta cidade, viu estes autos de xuízo número 94/2002, seguidos por instancia de Joaquín Barrientos Conde e María Dolores Barrientos Conde, maiores de idade, asistidos pola letrada Blanca Fernández Chao González Dopeso, contra a empresa Herculina de Gas, Hergás, S.L., que non compareceu en autos e o Fogasa, representado e asistido polo letrado Javier Morado Díaz, sendo o obxecto da reclamación, salarios.

Seguen feitos e fundamentos de dereito.

Decido: que debo estimar e estimo a demanda interposta por Joaquín Barrientos Conde e María Dolores Barrientos Conde, intervindo o Fogasa, contra a empresa Herculina de Gas, Hergás, S.L., condenando a demandada a aboar ós demandantes a cantidade de 5.569,49 euros ó primeiro e 5.187,77 euros á segunda.

Notifíqueselles esta resolución ás partes, ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia; e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.

E, así mesmo, deberá no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.

Así, por esta miña sentencia, definitivamente xulgando en primeira instancia, pronúncioo, mándoo e asínoo».

E para que lle sirva de notificación á empresa Herculina de Gas, Hergás, S.L., mediante a súa publicación no Diario Oficial de Galicia, que ten o seu domicilio descoñecido, expido e asino esta cédula na Coruña o 9 de xullo de 2002.

Jaime Balado Yáñez

Secretario xudicial