A Lei 2/2002, do 29 de abril, pola que se aproban os orzamentos xerais da Comunidade Autónoma de Galicia para o ano 2002 (DOG nº 84, do 2 de maio), incrementa a dotación da aplicación orzamentaria da Consellería de Educación e Ordenación Universitaria prevista na prórroga dos orzamentos para financiar subvencións para as corporacións locais da Comunidade Autónoma que vaian establecer un programa de axudas ás familias para a escolarización dos seus fillos para o curso académico 2002/2003, polo que é necesario modifica-la orde de axudas no que respecta a este punto.
De acordo con todo o anterior, e no exercicio das facultades que me confire o artigo 34 da Lei 1/1983, do 22 de febreiro, reguladora da Xunta e do seu presidente,
DISPOÑO:
Artigo único.-Modifica-lo parágrafo quinto da exposición de motivos da Orde do 8 de maio de 2002, das consellerías de Educación e Ordenación Universitaria e de Familia e Promoción do Emprego, Muller e Xuventude, pola que se establecen as bases e se convocan subvencións para as corporacións locais da Comunidade Autónoma que vaian establecer un programa de axudas ás familias para a escolarización dos seus fillos para o curso académico 2002/2003, o cal quedará redactado na forma seguinte:
«Con este fin, na Lei de orzamentos da Comunidade Autónoma galega para o ano 2002, nas aplicacións orzamentarias 14.02.212A.463.0 e 07.03.323A.480.0 existen partidas consignadas para as axudas que se establecen no articulado desta orde por un importe de 136.309 euros e de 760.622 euros, respectivamente.»
Disposicións derradeiras
Primeira.-Autorízanse os directores xerais de Familia e de Centros e Inspección Educativa para dicta-las disposicións necesarias para o desenvolvemento desta orde.
Segunda.-Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 8 de agosto de 2002.
Manuela López BesteiroCelso Currás Fernández
Conselleira de Familia e PromociónConselleiro de Educación
de Emprego, Muller e Xuventudee Ordenación Universitaria