Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 67/2002 por instancia de Amelia Rosa Tobares Leyes e outras, contra Seduction Corp, S.L. sobre despedimento, nos que recaeu sentencia que copiada nos particulares necesarios, di así:
«Dictamino que, estimando a demanda promovida por Amelia Rosa Tobares Leyes, María Luz Fresco Núñez, Sonia Álvarez Irigoyen e María Pilar Alarza Bermúdez contra a empresa Seduction Corp, S.L., debo declarar e declaro improcedente o despedimento efectuado ás demandantes con data do 24-1-2002 a primeira e 1-2-2002 para as tres restantes, condenando á demandada a que no prazo de cinco días, contados desde a notificación desta resolución, opte entre a readmisión das traballadoras nas mesmas condicións que rexían antes de producirse o despedimento, ou o aboamento da cantidade de 261,73 euros a Amelia Rosa Tobares Leyes; 246,46 euros a María Luz Fresco Núñez; 152,68 euros a Sonia Álvarez Irigoyen e 154,86 euros a Pilar Alarza Bermúdez, no concepto de indemnización e o aboamento dos salarios deixados de percibir desde a data do despedimento e ata a notificación desta resolución, a razón de 17,49 euros diarios.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia, no prazo de cinco días contados desde o seguinte ó da súa notificación, anunciando o propósito de interpoñelo mediante comparecencia ou por escrito, sendo indispensable que, ó tempo de anuncialo, o recorrente, se é empresario, exhiba perante este xulgado do social o xustificante acreditativo de ter depositado no Banco Bilbao Vizcaya, oficina principal desta cidade, na conta corrente deste xulgado, número identificador 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista; sen este requisito non poderá terse por anunciado o recurso e quedará firme a sentencia. Debendo consignar ademais, a cantidade de 25.000 pesetas na mesma conta coa clave 65, entregándose o xustificante na secretaría ó
tempo de interpoñe-lo recurso, declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo».
Así, por esta miña sentencia, da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo.
E para que conste, para efectos da súa publicación no Diario Oficial de Galicia, co fin de que lle sirva de notificación en forma á empresa Seduction Corp, S.L., expido e asino esta cédula na Coruña o 18 de xuño de 2002.
A secretaria xudicial
Rubricado
CONSELLERÍA DE POLÍTICA TERRITORIAL, OBRAS PÚBLICAS
E VIVENDA