Eu, Juan Rey Pita, secretario do Xulgado do Social, número tres da Coruña, dou fe e certifico que neste xulgado se seguen autos nº 814/2001 seguidos por instancia de Albino Rodríguez Diéguez e outro contra a empresa Losas Iglesias Hermanos, S.L. sobre salarios, nos que recaeu sentencia en data 21-6-2002 que copiada nos particulares necesarios di así:
Que, estimando a demanda formulada por Albino Rodríguez Diéguez e Manuel Picos Penabad, contra a empresa Losas Iglesias Hermanos, S.L., condeno esta a aboarlle a cantidade de 4.356,60 euros a Albino Rodríguez Diéguez e 6.339,84 euros a Manuel Picos Penabad, que lles deben en concepto de salarios.
Notifíqueselle-la presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte da súa notificación.
Prevese a empresa demandada de que para recorrer deberá acreditar que ingresou na c/c de consignacións código 5604.0000.60 814-2002 de Banco BBVA desta cidade denominada Conta do Xulgado do Social número tres, o importe da condena e 150,25 euros en concepto de depósito; sen estes requisitos non será admitido a trámite o recurso quedando firme a sentencia.
Así por esta miña sentencia da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva
de notificación en forma a empresa Losas Iglesias Hermanos, S.L., expido e asino esta cédula na Coruña o 21 de xuño de 2002.
O secretario xudicial
Rubricado