Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 72/2002 por instancia de José Ramón Rodríguez Perdiz contra a compañía Telefónica de España, S.A., o Fondo de Garantía Salarial, a empresa Ingeniería de Sistemas y Telecomunicaciones Hispania 2000, S.L. e Eduardo Dacasa Blanco sobre despedimento, nos que recaeu sentencia que copiada nos particulares necesarios di así:

Hai lugar á aclaración solicitada, e en consecuencia o dictame desta quedará do teor literal seguinte: Dictame:

«Que estimando a demanda promovida por José Ramón Rodríguez Perdiz contra a empresa Ingeniería de Sistemas y Telecomunicaciones Hispania 2000, S.L. e Telefónica de España, S.A., o Fondo de Garantía Salarial e Eduardo Dacasa Blanco debo declarar e declaro improcedente o despedimento efectuado á demandante na data do 27-12-2001 condenando á demandada a empresa Ingeniería de Sistemas y Telecomunicaciones Hispania 2000, S.L. a o aboamento ó demandante da cantidade de 1.141,32 euros en concepto de indemnización e ó aboamento dos salarios deixados de percibir desde a data do despedimento e ata a notificación desta resolución que ascende á suma de 1.161,2 euros. Absolvendo á codemandada Telefónica de España, S.A. de tódolos pedimentos contidos naquela.

E absolvendo o Fondo de Garantía Salarial sen prexuízo da responsabilidade que no seu día poidera derivar.

Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte á súa notificación, anunciando o propósito de interpoñelo mediante comparecencia ou por escrito sendo indispensable que ó tempo de anuncialo o recorrente, se é empresario, exhiba perante este xulgado do social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado número identificador 5605, clave 60, a cantidade obxecto

da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, sen este requisito non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta, clave 65, entregándose o xustificante na Secretaría ó tempo de interpoñe-lo recurso, declarándose este desistido de non constituírse o dito depósito na forma indicada, definitivamente xulgando en primeira instancia pronúncioo, mándoo e asínoo.

Así, por esta miña sentencia, do que se unirá certificación os autos orixinais para a súa notificación e cumprimento, xulgando, pronúncioo, mándoo e asínoo».

E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Ingeniería de Sistemas y Telecomunicaciones Hispania 2000, S.L. e Eduardo Dacasa Blanco expido e asino a presente na Coruña, 30 de maio de 2002.

A secretaria xudicial

Rubricado