Juan Rey Pita, secretario do Xulgado do Social número tres da Coruña, dou fe e certifico que neste xulgado séguense autos nº 262/2002 seguidos por instancia de Luis Julio Santiago Fuentes contra Rediscarta Galicia, S.L. sobre despedimento, nos que recaeu sentencia en data 24-5-2002 que copiada nos particulares necesarios di así:
«Que estimando a demanda formulada por José Luis Santiago Fuentes, declaro a improcedencia do seu despedimento e condeno a empresa Rediscarta Galicia, S.L., a que á súa elección, que ten que efectuar no prazo de cinco días, o readmita no seu posto e condicións de traballo ou o indemnice coa cantidade de 1.778,94 A, con aboamento en todo caso dos salarios deixados de percibir desde a data do despedimento ata a da notificación desta sentencia e que ata a data ascenden á cantidade de 2.678,84 A.
Notifíquese a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte da súa notificación.
Previndo a empresa demandada que para recorrer deberá acreditar ter ingresado na c/c de consignacións código 5604.0000.60 262-2002 do Banco BBVA desta cidade denominada conta do Xulgado do Social número tres o importe da condena e 150,25 A en concepto de depósito, sen os cales requisitos non será admitido a trámite o recurso quedando firme a sentencia.
Así mesmo advírteselle á parte demandada que se fai uso de tal dereito, optando pola readmisión, durante a sustanciación do procedemento deberá aboar á parte demandante o mesmo salario que percibiría, estando obrigada esta a presta-los seus servicios á demandada, a menos que a mesma prefira facer uso de tal aboamento sen percibir compensación ningunha por parte da demandante.
Así por esta miña sentencia, da que se unirá certificación ós autos orixinais para a súa notificación
e cumprimento, xulgando pronúncioo, mando e asínoo».
E para que conste, para efectos da súa publicación no Diario Oficial de Galicia a fin de que sirva de notificación en forma á empresa Rediscarta Galicia, S.L., expido e asino a presente cédula na Coruña, 24 de maio de 2002.
O secretario xudicial
Rubricado