Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 84/2002 seguidos a instancia de Manuel López Novo e outros contra Granxas Carballos, S.L. sobre salarios, nos que recaeu sentencia en data 24-5-2002 que copiada nos particulares necesarios di así:

«Que estimando a demanda formulada por Manuel López Novo, Miguel Ángel Mourelle Porteiro, Constantino Villasuso Santalla e Rosa María Reborido Pardo, contra a empresa Granxas Carballos, S.L., condeno a esta a aboarlle a cantidade de 6.273,53 A a Manuel López Novo, 6.326,18 A a Miguel Ángel Mourelle Porteiro, 6.494,53 A a Constantino Villasuso Santalla e 8.732,53 A a Rosa Mª Reborido Pardo que lles adeuda en concepto de salarios.

Notifíquese a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ó da súa notificación.

Previndo a empresa demandada que para recorrer deberá acreditar que ingresou na c/c de consignacións código 5604.0000.60 84-2002 do Banco BBVA desta cidade denominada Conta do Xulgado do Social número tres o importe da condena e 150,25 A en concepto de depósito, sen estes requisitos non será admitido a trámite o recurso quedando firme a sentencia.

Así por esta miña sentencia da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo.

E para que conste, para efectos da súa publicación no Diario Oficial de Galicia co fin de que sirva de notificación en forma á empresa Granxas Carballos, S.L., expido e asino a presente cédula na Coruña o 24 de maio de 2002.

O secretario xudicial

Rubricado