De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), e non sendo posible a práctica da notificación no domicilio sinalado polo interesado da resolución da denegación das axudas á contratación indefinida da subvención do expediente administrativo, consonte o establecido na Orde do 10-5-2001 (DOG nº 97, do 22 de maio), publícase:

1. Expedientes de procedemento: FM 343B 2001/431-5.

Orde de convocatoria: 10 de maio de 2001 (DOG nº 97, do 22 de maio).

Interesado: Aluminios Salnés, S.L.

Enderezo: lg. Caponiñas-Barrantes, 36636 Ribadumia (Pontevedra).

Asunto: resolución por delegación do delegado provincial da Consellería de Familia e Promoción do Emprego, Muller e Xuventude de data 5 de abril de 2002, ó abeiro da Orde do 10-5-2001.

Resolución:

«Examinada a solicitude de axudas pola contratación indefinida de traballador/es, presentada por Andrés Eusebio Cores González, en nome e representación de Aluminios Salnés, S.L., e tendo en conta os seguintes:

Antecedentes:

Primeiro.-A solicitude foi presentada o 3-7-2001. Xunto coa solicitude presentouse diversa documentación da esixida na orde de convocatoria, e pedíase o seguinte tipo de axuda:

* Axuda pola contratación indefinida de maiores de 45 anos e dos parados cun tempo de permanencia no desemprego igual ou superior a seis meses de 1 traballador.

Segundo.-Das actuacións realizadas e da documentación do expediente resulta o incumprimento dos requisitos esixidos para a concesión das axudas solicitadas en virtude dos motivos indicados no fundamento segundo.

Terceiro.-Na tramitación do presente expediente observáronse tódolos requisitos e prescricións legais.

Fundamentos:

Primeiro.-A competencia para coñecer e resolve-la presente solicitude corresponde, por delegación da Consellería de Familia e Promoción do Emprego, Muller e Xuventude, a esta delegación provincial, de acordo co artigo 3 da Orde do 10 de maio de 2001 (DOG do 22) pola que se establecen os programas de fomento da contratación e da estabilidade no emprego para o ano 2001.

Segundo.-Do actuado e da documentación aportada resulta que non se cumpren as condicións e requisitos esixidos na orde reguladora, polas razóns seguintes:

O traballador prestou servicios na empresa solicitante, nos tres meses anteriores á data de inicio da relación laboral obxecto da solicitude, en virtude dun contrato temporal de duración superior a seis meses consecutivos. En consecuencia, a súa contratación indefinida está excluída do ámbito de aplicación das axudas pola base 10ª.e) do anexo B.

Vistos os preceptos citados e demais de xeral e pertinente aplicación, esta delegación provincial

ACORDA:

Non conceder a Aluminios Salnés, S.L., a axuda solicitada pola contratación indefinida de Jesús

Eirea Morales, polas razóns expostas no fundamento segundo desta resolución.

Notifíquese ó interesado esta resolución, que pon fin á vía administrativa e contra a que cabe formular recurso contencioso-administrativo, no prazo de dous meses desde o día seguinte ó da súa notificación, ante a Sala de Contencioso-Administrativo do Tribunal Superior de Xustiza de Galicia; así mesmo, con anterioridade e con carácter potestativo, pode interpoñerse recurso de reposición, no prazo dun mes desde o día seguinte ó da súa notificación, ante esta delegación provincial, de conformidade co disposto na Lei 29/1998, do 13 de xullo, reguladora da xurisdicción contencioso-administrativa e na Lei 30/1992, do 26 de novembro, do réxime xurídico das administracións públicas e do procedemento administrativo común.

Vigo, 5 de abril de 2002. P.D. Asdo.: Joaquín Macías Sánchez. Delegado provincial de Pontevedra».

Os correspondentes expedientes figuran no Servicio de Fomento do Emprego da Delegación Provincial da Consellería de Familia e Promoción do Emprego, Muller e Xuventude en Vigo.

Vigo, 29 de maio de 2002.

Joaquín Macías Sánchez

Delegado provincial de Pontevedra