De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persona que no anexo se menciona a resolución do dito expediente, por infracción da Lei 9/2001, do 21 de agosto, de conservación da natureza.

1. Contra a dita resolución caberá, de conformidade co establecido nos artigos 107.1º, 114 e 115 da Lei 4/1999, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, a interposición de recurso de alzada perante o conselleiro de Medio Ambiente da Xunta de Galicia no prazo dun mes contado desde o día seguinte ó da recepción da notificación. Transcorrido o devandito prazo sen terse interposto o recurso, a resolución será firme para tódolos efectos, sen prexuízo, de se-lo caso, da procedencia do recurso extraordinario de revisión.

Transcorrido o prazo de interposición do recurso sen que este fose presentado, esta resolución será firme para tódolos efectos.

2. O importe da sanción, así como o da indemnización, farase efectivo en Caixa Galicia mediante os impresos que ten ó seu dispor na Delegación de Medio Ambiente en Pontevedra (r/ Benito Corbal, nº 47-5ª planta) nos prazos seguintes:

a) As notificadas entre os días 1 e 15 de cada mes, desde a data da notificación ata o día 5 do mes seguinte ou o inmediatamente hábil posterior.

b) As notificadas entre os días 16 e último de cada mes, desde a data da notificación ata o día 20 do mes seguinte ou o inmediato hábil posterior.

De non facelo dentro do prazo sinalado, procederase ó seu cobramento pola vía de constrinximento.

Pontevedra, 29 de maio de 2002.

José Antonio López Rodríguez

Delegado provincial de Pontevedra

ANEXO

Expediente: PO-EN-2001/71.

Denunciado: Francisco José Solla Santomé, enderezo: r/ La Junquera, nº 2 A, Moaña (Pontevedra).

DNI: 53115976.

Feitos denunciados: capturar frinxílidos cunha trampa (rede de néboa), 5 varas de visgo e catro chamarices vivos (1 xílgaro, 2 picaouros e 1 liñaceiro).

Feitos denunciados ás 10.20 horas do 28 de outubro de 2001 no lugar, Couso-Meira, no concello de Moaña.

Data do acordo da incoación: 31-1-2002.

Data do acordo da proposta: 12-3-2002.

Proposta: sancionar a Francisco José Solla Santomé con multa de 120,20 euros.

Alegacións á proposta: non presenta escrito no seu descargo.

Feitos probados: cazar cunha trampa rede 5 varas de visgo e chamarices vivos.

Precepto infrinxido: artigo 62 en relación co 53 da Lei 9/2001, do 21 de agosto, de conservación da natureza, en relación cos anexos I e III do Real decreto 1095/1989, do 8 de setembro.

Precepto sancionador: artigo 69 da Lei 9/2001, do 21 de agosto, de conservación da natureza.

Circunstancias concorrentes: non se aprecian.

Sanción: multa de 120,20 euros.