Por acta complementaria de reorganización da propiedade da zona de concentración parcelaria de Santa Baia de Vedra, en data 3 de agosto de 1999, pasaron á titularidade da Comunidade Autónoma de Galicia as terras sobrantes da antedita zona de concentración, entre as que se atopa o predio nº 822.

Unha vez obtida a inscrición no correspondente rexistro da propiedade do mencionado ben inmoble, procede declara-la súa alienabilidade de conformidade co disposto no artigo 24 da Lei 3/1985, do 12 de abril, do patrimonio da Comunidade Autónoma de Galicia, e no artigo 60 do Decreto 50/1989, do 9 de marzo, polo que se aproba o seu regulamento, co obxecto de posibilita-lo tráfico deste ben patrimonial.

En virtude do anteriormente exposto e tendo en conta a memoria xustificativa da Secretaría Xeral da Consellería de Política Agroalimentaria e Desenvolvemento Rural e logo do informe favorable da Consellería de Economía e Facenda,

DISPOÑO:

Artigo único.-Declárase a alienabilidade do ben inmoble que se describe: predio nº 822 da zona de concentración parcelaria da parroquia de Santa Baia de Vedra, municipio de Vedra, que ten unha superficie de 3.000 m, que estrema: norte, camiño; sur, Alfonso Pallas Rey (823), rego no medio; leste, Manuel Gestoso Cutrín (819); oeste, camiño. Inscrito no Rexistro da Propiedade de Santiago de Compostela nº 1 no tomo 1.343, libro 124, folio 17, predio nº 13.416.

Santiago de Compostela, 30 de maio de 2002.

Juan Miguel Diz Guedes

Conselleiro de Política Agroalimentaria

e Desenvolvemento Rural